تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد قياس القوس الأكبر بمعلومية قياس القوس الأصغر والزاوية المحصورة بين مماسَّيْ هذين القوسين

أحمد لطفي

إذا كان قياس القوس الأكبر ﺏﺟ = ﺱ°‎، فأوجد قيمة ﺱ.

٠١:٥٨

‏نسخة الفيديو النصية

إذا كان قياس القوس الأكبر ب ج بيساوي س درجة فأوجد قيمة س.

في البداية قياس القوس الأكبر ب ج بيساوي س درجة، وبالتالي قياس القوس الأصغر ب ج هيساوي تلتمية وستين ناقص س الكل درجة، وبالتالي نقدر نستخدم الحقيقة اللي بتقول عندما يتقاطع مماسان لدائرة خارجها، يعني المماس ج أ ومماس ب أ لما بيتقاطعوا خارج الدائرة في النقطة أ؛ فقياس الزاوية الناتجة اللي هي الزاوية ب أ ج هتساوي نص الفرق بين قياسي القوسين المحصورين الأكبر والأصغر، يعني هتساوي نص في قياس القوس الأكبر ناقص قياس القوس الأصغر، وبما إن معطى قياس الزاوية ب أ ج بتساوي أربعة وستين درجة، فهيكون عندنا أربعة وستين درجة هيساوي نص في قياس القوس الأكبر، معطى إن هو عبارة عن س درجة ناقص قياس القوس الأصغر، قدرنا نوجده وكان بيساوي تلتمية وستين ناقص س الكل درجة؛ يعني أربعة وستين درجة هتساوي نص في س درجة ناقص تلتمية وستين درجة زائد س درجة، يعني أربعة وستين درجة هتساوي نص في اتنين س درجة ناقص تلتمية وستين درجة، يعني أربعة وستين درجة هتساوي س درجة ناقص مية وتمانين درجة، هنجمع مية وتمانين درجة على الطرفين فهيكون عندنا سين درجة بتساوي ميتين أربعة وأربعين درجة؛ وبالتالي قيمة س هتساوي ميتين أربعة وأربعين.