فيديو: تكوين الأعداد ٧ و٨ و٩

يوضح الفيديو استخدام قِطَع العد لتكوين مجموع يساوي ٧ أو ٨ أو ٩.

٠٥:٣٤

‏نسخة الفيديو النصية

تكوين الأعداد: سبعة، وتمنية، وتسعة.

هنتعلم في الدرس ده، باستعمال قِطَع العدّ، نكوّن مجموع يساوي سبعة، أو تمنية، أو تسعة. وهنبدأ أول حاجة بالعدد سبعة. هنلاقي إن سبعة ممكن يبقى عبارة عن واحد زائد ستة، هيبقى بيساوي سبعة. وممكن يبقى ناتج جمع اتنين زائد خمسة، برضو بيساوي سبعة. وممكن كمان يبقى ناتج جمع تلاتة زائد أربعة، هيبقى بيساوي سبعة. دي كانت بعض المحاولات اللي كوّنّا فيها العدد سبعة.

هنجيب صفحة جديدة، ونشوف مع بعض محاولات أكتر لتكوين العدد سبعة.

أول محاولة ممكن نعملها مثلًا لتكوين العدد سبعة، هي استخدام سبع قِطَع عدّ صفراء. ده معناه إن إحنا بنقول صِفر قطعة حمراء زائد سبعة صفراء، يبقى هيبقى الناتج سبعة. عشان الجمع إلى الصفر، جمع أيّ عدد إلى الصفر، هيدّينا في الناتج العدد نفسه. وممكن نكوّن مجموعة، الناتج بتاعها بيساوي سبعة من قطعة واحدة حمراء، وست قِطَع صفراء. الناتج بتاعهم هيساوي سبعة.

ممكن كمان نستخدم تلات قِطَع حمراء، وأربع قِطَع صفراء. ده هيبقى الناتج بتاعه بيساوي سبعة. ممكن كمان نكوّن العدد سبعة باستخدام أربع قِطَع عدّ حمراء، وتلات قِطَع عدّ صفراء. فيبقى عندنا كده أربعة زائد تلاتة بيساوي الناتج هيبقى سبعة. وممكن في محاولة أخرى لتكوين العدد سبعة، نستخدم خمس قِطَع عدّ حمراء، وقطعتين عدّ صفراء. يبقى خمسة زائد اتنين هيساوي … ناتج بتاع الجمع ده هيبقى سبعة.

هنجيب صفحة جديدة، ونشوف مع بعض محاولات لتكوين العدد تمنية، والعدد تسعة.

هنبدأ مع بعض بتكوين العدد تمنية. ممكن حدّ يكوّن العدد تمنية باستخدام قطعة عدّ حمراء، وسبع قِطَع عدّ صفراء. فواحد زائد سبعة هيبقى الناتج يساوي تمنية. ممكن حدّ تاني يكوّن العدد تمنية باستخدام قطعتين عدّ حمراء، وست قِطَع عدّ صفراء. اتنين زائد ستة هيساوي تمنية. ممكن شخص آخَر يكوّنها باستخدام تلات قِطَع عدّ حمراء، وخمس قِطَع صفراء. يبقى تلاتة زائد خمسة يساوي تمنية.

ممكن نكوّنها كمان باستخدام أربع قِطَع عدّ حمراء، وأربع قِطَع عدّ صفراء. هيبقى أربعة زائد أربعة يساوي تمنية. ممكن نكوّنها كمان باستخدام خمس قِطَع عدّ حمراء، وتلات قِطَع عدّ صفراء. فيبقى خمسة زائد تلاتة يساوي تمنية. وممكن نستخدم ست قِطَع عدّ حمراء وقطعتين عدّ صفراء. يبقى ستة زائد اتنين يساوي تمنية. وممكن كمان نعملها بسبع قِطَع عدّ حمراء، وقطعة عدّ صفراء. فيبقى سبعة زائد واحد هيساوي تمنية.

دلوقتي هنروح ونحاول نكوّن العدد تسعة بطرق مختلفة. ممكن نكوّن العدد تسعة باستخدام قطعة عدّ حمراء، وتمن قِطَع عدّ صفراء. وممكن نكوّنه باستخدام قطعتين عدّ حمراء، وسبع قِطَع عدّ صفراء. ممكن كمان نكوّنه باستخدام تلات قِطَع عدّ حمراء، وست قِطَع عدّ صفراء. أو أربع قِطَع عدّ حمراء، وخمس قِطَع عدّ صفراء.

ممكن كمان نكوّنه باستخدام خمس قِطَع عدّ حمراء، وأربعة صفراء. أو ست قِطَع عدّ حمراء، وتلاتة صفراء. أو سبع قِطَع عدّ حمراء، وقطعتين عدّ صفراء. كل مجموعة من المجموعات اللي عندنا دي، ناتج الجمع بتاعها يكوّن العدد تسعة. يبقى دي مجموعة طرق مختلفة، عشان نكوّن العدد تسعة.

عرفنا في الدرس ده إزاي نقدر نكوّن الأعداد: سبعة، وتمنية، وتسعة باستخدام قِطَع العد.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.