فيديو السؤال: إيجاد النسبة بين محيط دائرة وقطرها

نسخة الفيديو النصية

اكتب هذه النسبة في أبسط صورة: نسبة محيط الدائرة إلى قطرها.

السؤال عايز منّنا نوجد النسبة بين محيط الدايرة إلى قطرها في أبسط صورة. زي ما إحنا عارفين، إن قانون محيط الدائرة بيساوي اتنين 𝜋 نق. قطر الدائرة ممكن نرمز ليها بالرمز ق، أو نقول إن ق بتساوي اتنين نق.

دلوقتي عاوزين نوجد النسبة بين محيط الدائرة إلى قطرها. محيط الدائرة اتفقنا إنه هو بيساوي اتنين 𝜋 نق. إلى قطرها … واتفقنا إن إحنا ممكن نعبر عن القطر باتنين نق. علشان نسهّل على نفسنا وإحنا بنبسّط النسبة، هنكتب اتنين 𝜋 نق، 𝜋 في اتنين نق. هي هي ما غيرناش حاجة. إلى اتنين نق زي ما هي. لتبسيط النسبة هنقسم الطرف اليمين على اتنين نق. ونفس الكلام هنعمله في الطرف الشمال؛ هنقسم على اتنين نق. 𝜋 في اتنين نق، لما هنقسمها على اتنين نق؛ هنختصر اتنين نق مع اتنين نق. هيتبقّى في الطرف اليمين 𝜋. إلى اتنين نق على اتنين نق فيها الواحد. وبكده نسبة محيط الدائرة إلى قطرها هتدي لنا 𝜋 إلى واحد.