فيديو: معرفة المعادلات التي تثبت إذا كان العدد فرديًا أم زوجيًا

بداخل كلٍّ من هاتين الدائرتين يوجد عدد المربعات نفسه، ويوجد مربع آخر خارجهما. هل إجمالي عدد المربعات زوجي أم فردي؟

٠٢:١٨

‏نسخة الفيديو النصية

بداخل كلٍّ من هاتين الدائرتين يوجد عدد المربعات نفسه، ويوجد مربع آخر خارجها. هل إجمالي عدد المربعات زوجي أم فردي؟

يعني إحنا عندنا دايرتين؛ آدي الدايرة الأولى، وآدي الدايرة التانية، وفي الدايرتين دول جوّاهم فيه نفس عدد المربعات؛ يعني الدايرة الأولى فيها: مربع، اتنين، تلاتة، أربعة، خمسة؛ والدايرة التانية: مربع، اتنين، تلاتة، أربعة، خمسة؛ يبقى هنا فيه خمس مربعات، وهنا فيه خمس مربعات؛ ويوجد مربع آخر خارجهما، وفيه هنا مربع برّه لوحده. إجمالي بقى المربعات دي كلها، اللي في الدواير والمربع اللي برّه؛ زوجي ولّا فردي؟

الفكرة في العدد الزوجي إن هو بيتكوّن من زوج؛ يعني مربع ومربع، الاتنين دول كده مع بعض اسمهم زوج من المربعات. لو كل المربعات اللي عندنا عبارة عن أزواج بالشكل ده؛ يبقى هو عدد زوجي. طب لو لقينا مربع لوحده؟ يبقى هو عدد فردي.

فلو اتخيّلنا كده إننا بنوصّل الدايرتين دول ببعض، هنلاقي إن مثلًا المربع ده، ده الزوج بتاعه، يبقى هم كده الاتنين كوّنوا زوج؛ وده، ده الزوج بتاعه؛ والمربع ده، ده الزوج بتاعه؛ والمربع ده، ده الزوج بتاعه؛ والمربع ده، ده الزوج بتاعه؛ يبقى هنا الدايرتين دول كده أزواج.

طيب المربع اللي لوحده ده مالهوش زوج، يبقى ما دام لقينا مربع مالهوش زوج، يبقى عدد المربعات دي كلها فردي. فالإجابة بتاعتنا هنا هتكون فردي؛ علشان المربع الفرداني أو الفردي لوحده اللي موجود برّه.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.