فيديو: تحديد صيغة الميل والجزء المقطوع لمعادلة التمثيل البياني للخط المستقيم

اكتب المعادلة الممثَّلة بالتمثيل البياني الموضح. ضع الإجابة في صورة ﺹ = ﻡﺱ + ﺏ.

٠١:٣٦

‏نسخة الفيديو النصية

اكتب المعادلة الممثَّلة بالتمثيل البياني الموضَّح، وضع الإجابة في صورة ص يساوي م س زائد الـ ب.

صورة الـ ص يساوي م س زائد الـ ب دي صورة المعادلة العامة لخط مستقيم، باستخدام الميل والجزء المقطوع من محور الصادات؛ حيث الـ م هي ميل الخط المستقيم، وَ الـ ب هي الجزء المقطوع من محور الصادات. من الرسم، الجزء المقطوع من محور الصادات هو ده، اللي هو قيمته تساوي سالب أربعة؛ يعني الـ ب هتساوي سالب أربعة. والميل بيساوي ص اتنين ناقص ص واحد، على س اتنين ناقص س واحد، بمعلومية نقطتين على الخط المستقيم س واحد وَ ص واحد، وَ س اتنين وَ ص اتنين.

من الرسم، هنوجد النقطة دي صفر وسالب أربعة، والنقطة التانية إحداثيات السينات ستة وإحداثيات الصادات صفر. يبقى النقطة ستة وصفر، وصفر وسالب أربعة، هيمثّلوا النقطتين اللي هنوجد منهم الميل.

بالتعويض لإيجاد الميل؛ ص اتنين سالب أربعة، وَ ص واحد صفر؛ س اتنين صفر، وَ س واحد بستة؛ هيساوي سالب أربعة على سالب ستة، هيساوي اتنين على تلاتة.

يبقى المعادلة الممثلة بالتمثيل البياني الموضح هتبقى ص تساوي الميل اتنين على تلاتة مضروب في الـ س، زائد الـ ب؛ يعني هيبقى ناقص الأربعة، ويبقى هي دي الإجابة المطلوبة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.