فيديو: التعُّرف على الأجزاء المتساوية في الدائرة والمستطيل

أيُّ شكل توجد به أجزاء متساوية؟ [أ] شكل أ [ب] شكل ب [ج] شكل ﺟ

٠١:٣١

‏نسخة الفيديو النصية

أي شكل توجد به أجزاء متساوية؟ الشكل أ، ولّا ب، ولّا ﺟ.

عاوزين نعرف أي شكل من التلات أشكال اللي قدامنا دول فيه أجزاء متساوية. يعني إيه فيه أجزاء متساوية؟ يعني متقسِّم لأجزاء زي بعض، وقدّ بعض بالظبط. لو جينا نبُص على أول شكل اللي هو الدايرة دي، هنلاقيها متقسِّمة لجزئين. ده كده أول جزء أهو، وده تاني جزء. هل الجزئين قدّ بعض؟ لأ طبعًا. ده ده جزء صغير، وده جزء كبير. فده معناه إن الشكل ده مش متقسِّم لأجزاء متساوية. يبقى نستبعد الاختيار ده.

نيجي للشكل ده. هنلاقي المربع اللي قدامنا برضو متقسِّم لجزئين. الجزء ده والجزء ده. هل همَّ قدّ بعض؟ لأ مش قدّ بعض. ده الجزء ده صغير، والجزء ده كبير. فده معناه إن برضو مش هي دي الإجابة الصح.

نيجي لتالت شكل. هنلاقيه مربع مقسوم لجزئين. ده هو أول جزء، وده تاني جزء. لو ركّزنا هنلاقيهم الجزئين زي بعض، وقد بعض بالضبط. فده معناه إن هو ده الشكل اللي فيه أجزاء متساوية. ويبقى هو ده الإجابة الصح.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.