فيديو: خواص المثلث

أيٌّ من الأشكال الآتية ليست له أضلاع متوازية؟ [أ] المعيّن. [ب] شبه المنحرف. [ج] المثلث. [د] المستطيل. [ﻫ] المربع.

٠١:٥١

‏نسخة الفيديو النصية

أيٌّ من الأشكال الآتية ليست له أضلاع متوازية؟ أ: المعيّن. ب: شبه المنحرف. ج: المثلث. د: المستطيل. ﻫ: المربع.

عاوزين نعرف أي شكل من الخمس أشكال اللي قدامنا دول، هو اللي ما فيش فيه أي أضلاع متوازية. ده شكل الضلعين المتوازيين. فهنبدأ أول حاجة نشوف المعيّن. ده هو شكل المعيّن. المعيّن عندنا فيه الضلعين دول بيوازوا بعض، والضلعين دول كمان بيوازوا بعض. يبقى فيه أضلاع متوازية. فما يبقاش هو الإجابة الصح، إحنا بندور على شكل مافيهوش أضلاع متوازية.

نشوف شبه المنحرف. ده هو شكل شبه المنحرف. فيه الضلع ده بيوازي الضلع ده. فبرضو كده شبه المنحرف كمان فيه أضلاع متوازية. يعني نستبعده.

نشوف الاختيار اللي بعده، واللي هو المثلث. المثلث فيه تلاتة أضلاع ما فيش فيهم اتنين بيوازوا بعض. فده معناه إن فعلًا المثلث هو الشكل اللي مافيهوش أي أضلاع متوازية. بس قبل ما نختاره هنتأكد برضو من آخر اختيارين.

الاختيار اللي بعده اللي هو المستطيل. عندنا في المستطيل الضلعين دول بيوازوا بعض. والضلعين دول كمان بيوازوا بعض. فده معناه إن المستطيل فيه أضلاع متوازية، يبقى نستبعده.

ونشوف آخر اختيار اللي هو المربع. المربع عندنا فيه الضلعين دول بيوازوا بعض، وكمان الضلعين دول بيوازوا بعض. يبقى برضو نستبعده.

وكده ما اتبقلناش غير المثلث. هو ده فعلًا الشكل اللي ما فيهوش أي ضلع بيوازي التاني. فتبقى هي دي الإجابة الصح اللي إحنا المفروض نختارها: المثلث.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.