تم إلغاء تنشيط البوابة. يُرجَى الاتصال بمسؤول البوابة لديك.

فيديو السؤال: إيجاد حجم مكعب بمعلومية محيط قاعدته الرياضيات

محيط قاعدة مكعب ٥٢ سم. ما حجم المكعب؟

٠١:٣٧

‏نسخة الفيديو النصية

محيط قاعدة مكعب اتنين وخمسين سنتيمتر. ما حجم المكعب؟

وخلينا في الأول نفتكر إن المكعب بيبقى ليه ستة أوجُه، وكل وجه بيبقى على شكل مربع. فمعنى كده بما إن معطى عندنا إن محيط قاعدة المكعب اتنين وخمسين سنتيمتر. فبما إن قاعدة المكعب على شكل مربع؛ يعني محيطها بيساوي طول الضلع في أربعة. وفي الحالة دي نقدر نوجد طول ضلع المكعب أو طول حرفه، واللي بيساوي المحيط اللي هو محيط قاعدة المكعب، مقسوم على أربعة. فهنعوّض عن المحيط بمحيط قاعدة المكعب اللي مُعطى عندنا في السؤال، واللي هو اتنين وخمسين. فهيبقى طول حرف المكعب بيساوي اتنين وخمسين مقسوم على أربعة. فلمّا نحسبها هتبقى بتساوي تلتاشر.

بما إننا بنوجد طول حرف المكعب، فهتبقى الوحدة سنتيمتر. يعني طول حرف المكعب هو تلتاشر سنتيمتر. بعد كده المطلوب في السؤال إننا نوجد حجم المكعب. وخلينا نفتكر إن حجم المكعب بيساوي طول الحرف، في طول الحرف، في طول الحرف. بما إننا أوجدنا إن طول حرف المكعب بيساوي تلتاشر سنتيمتر. فبالتالي هيبقى حجم المكعب بيساوي تلتاشر سنتيمتر، في تلتاشر سنتيمتر، في تلتاشر سنتيمتر. فلمّا نحسبها هتبقى بتساوي ألفين مية سبعة وتسعين. وأما الوحدة فهتبقى سنتيمتر مكعب؛ لأننا بنوجد حجم. وبالتالي هتبقى إجابة السؤال: «ما حجم المكعب؟» هي ألفين مية سبعة وتسعين سنتيمتر مكعب.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.