فيديو: جمع المئات

يوضح الفيديو طريقة جمع المئات.

٠٣:٣٥

‏نسخة الفيديو النصية

هنتكلم عن جمع المئات. هنتعلم إزاي نجمع المئات. ممكن نستعمل حقايق الجمع عشان نجمع المئات.

هبتدي الشرح بالمثال التالي: أوجد ناتج جمع تلتمية زائد ربعمية.

يعني هنجمع تلات مئات زائد أربع مئات، هيساوي سبع مئات. وبكده أقدر أقول بما إنه تلاتة زائد أربعة، هيساوي سبعة. إذن تلتمية زائد ربعمية هيساوي سبعمية.

هنكمل في الصفحة اللي جاية.

مثال: اوجد ناتج جمع كل مما يلي: رقم واحد: ستمية زائد مية. يعني ست مئات زائد واحد مئات. بما إنه ستة زائد واحد هيساوي سبعة. إذن ستمية زائد مية هيساوي سبعمية.

رقم اتنين: تلتمية زائد تلتمية. يعني تلات مئات زائد تلاتة مئات. بما إنه تلاتة زائد تلاتة هيساوي ستة. إذن تلتمية زائد تلتمية هيساوي ستمية.

سؤال رقم تلاتة: سبعمية زائد ميتين. يعني سبع مئات زائد اتنين مئات. بما إنه سبعة زائد اتنين هيساوي تسعة. إذن سبعمية زائد ميتين هيساوي تسعمية.

سؤال رقم أربعة: تمنمية زائد مية. يعني تمن مئات زائد واحد مئات. بما إنه تمنية زائد واحد هيساوي تسعة. إذن تمنمية زائد مية هيساوي تسعمية.

هنكمل في الصفحة اللي جاية. تدريبات: أوجد ناتج جمع كلٍّ مما يلي:

سؤال رقم واحد: ميتين زائد تلتمية. اتنين مئات زائد تلات مئات. بما إنه اتنين زائد تلاتة هيساوي خمسة. إذن ميتين زائد تلتمية هيساوي خمسمية.

سؤال رقم اتنين: ربعمية زائد ربعمية. بما إنه أربعة زائد أربعة هيساوي تمنية. إذن أربع مئات زائد أربع مئات هيساوي تمن مئات. وبكده أقدر أقول إن ربعمية زائد ربعمية هيساوي تمنمية.

سؤال رقم تلاتة: سبعمية زائد مية. بما إنه سبعة زائد واحد بيساوي تمنية. يعني سبع مئات زائد واحد مئات هيساوي تمن مئات. وبكده أقدر أقول إنه سبعمية زائد مية هيساوي تمنمية.

سؤال رقم أربعة: ميتين زائد ستمية. بما إنه اتنين زائد ستة بيساوي تمنية. يعني أقدر أقول إنه اتنين مئات زائد ست مئات هيساوي تمن مئات. إذن ميتين زائد ستمية هيساوي تمنمية.

سؤال رقم خمسة: ستمية زائد تلتمية. بما إنه ستة زائد تلاتة هيساوي تسعة. يعني أقدر أقول إن ست مئات زائد تلات مئات هيساوي تسع مئات. وبكده ستمية زائد تلتمية هيساوي تسعمية.

وبكده هنكون اتعلمنا إزاي نستعمل حقايق الجمع عشان نجمع المئات.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.