تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: حل المعادلات التربيعية بإكمال المربع

أحمد لطفي

بإكمال المربع، حل المعادلة ﺱ^٢ − ﺱ = ٤/٣.

٠١:٤٣

‏نسخة الفيديو النصية

بإكمال المربع، حل المعادلة س تربيع ناقص س بتساوي تلاتة على أربعة.

في البداية عشان نقدر نكمل المربع للطرف الأيمن فهيكون عندنا س تربيع ناقص س زائد معامل س اللي هو بواحد، مقسوم على اتنين الكل تربيع، وزي ما جمعنا واحد على اتنين الكل تربيع على الطرف الأيمن، فهنجمعها أيضًا على الطرف الأيسر فيكون عندنا تلاتة على أربعة زائد واحد على اتنين الكل تربيع؛ يعني هيكون عندنا س تربيع ناقص س زائد واحد على أربعة هيساوي واحد، وبالتالي نقدر نكمل المربع على الطرف الأيمن، فهيكون عندنا س ناقص واحد على اتنين الكل تربيع هيساوي واحد، بأخذ الجذر التربيعي للطرفين، هيكون عندنا س ناقص واحد على اتنين هيساوي موجب أو سالب واحد؛ وبالتالي هيكون عندنا قيمتين لـ س أول قيمة لما س ناقص واحد على اتنين هتساوي واحد، وتاني قيمة لما س ناقص واحد على اتنين هتساوي سالب واحد. بالنسبة لأول قيمة لما س ناقص واحد على اتنين هتساوي واحد، هنجمع واحد على اتنين للطرفين، فهيكون عندنا س بتساوي تلاتة على اتنين. وبالنسبة لتاني قيمة لـ س، س ناقص واحد على اتنين بيساوي سالب واحد، هنجمع واحد على اتنين على الطرفين، فهيكون عندنا س بتساوي سالب واحد على اتنين.

يبقى كده قدرنا نحل المعادلة، وكانت س بتساوي تلاتة على اتنين، و س بتساوي سالب واحد عَ الاتنين.