تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد صيغة الميل ونقطة لمعادلة التمثيل البياني للخط المستقيم

أحمد لطفي

اكتب المعادلة الممثَّلة بالتمثيل البياني الموضح. ضع الإجابة في الصورة ﺹ − ﺃ = ﻡ(ﺱ − ﺏ) [أ] ص + ٢ = (٢/١)(س − ٦) [ب] ص − ٦ = ٢(س + ٢) [ج] ص + ٢ = ٢(س − ٦) [د] ص − ٦ = (٢/١)(س + ٢) [ﻫ] ص − ٦ = −(٢/١)(س + ٢)

٠٢:٥٦

‏نسخة الفيديو النصية

اكتب المعادلة الممثّلة بالتمثيل البياني الموضّح. ضع الإجابة في الصورة ص ناقص أ، بتساوي م مضروبة في س ناقص ب. معطى خمس اختيارات؛ الاختيار أ: ص زائد اتنين، بتساوي واحد على اتنين، مضروبة في س ناقص ستة. الاختيار ب: ص ناقص ستة، بتساوي اتنين، مضروبة في س زائد اتنين. الاختيار ج: ص زائد اتنين، بتساوي اتنين، مضروبة في س ناقص ستة. الاختيار د: ص ناقص ستة، بتساوي واحد على اتنين، مضروبة في س زائد اتنين. الاختيار هـ: ص ناقص ستة، بتساوي سالب واحد على الاتنين، مضروبة في س زائد اتنين.

أول حاجة هنلاحظ من التمثيل البياني الموضّح، معطى عندنا نقطة. عشان نقدر نوجد إحداثيات النقطة، فبالنسبة للإحداثي السيني للنقطة، هيكون سالب اتنين. وبالنسبة للإحداثي الصادي للنقطة، هيكون ستة. وبالتالي إحداثيات النقطة هتكون سالب اتنين وستة.

وبالنسبة للصيغة المُعطاة ص ناقص أ بتساوي م مضروبة في س ناقص ب. أ هو الإحداثي الصادي لأي نقطة، وَ ب هو الإحداثي السيني لنفس النقطة. يعني هيكون عندنا النقطة ب وَ أ. وبالتالي لو عايزين نكتب المعادلة الممثّلة بالتمثيل البياني الموضّح، هتكون ص ناقص … هنعوّض عن الإحداثي الصادي للنقطة بستة، هيساوي م مضروبة في س … هنعوّض عن الإحداثي السيني للنقطة اللي هو سالب اتنين، فهيكون عندنا ناقص سالب اتنين. يعني ممكن نكتبها في صورة ص ناقص ستة، هيساوي م مضروبة في س زائد اتنين.

تاني خطوة عشان نقدر نوجد قيمة م، معطى عندنا النقطة سالب اتنين وستة. هنختار أي نقطة أخرى على الخط، مثلًا النقطة صفر وسبعة. وبالتالي عشان نقدر نوجد الميل، هنتحرك من النقطة سالب اتنين وستة، وهنوصل للنقطة صفر وسبعة. وهنشوف هنتحرك كام خانة في الاتجاه الموجب لمحور السينات، وكام خانة في الاتجاه الموجب لمحور الصادات. أول حاجة هنتحرّك في الاتجاه الموجب لمحور السينات، فهنتحرك بالشكل ده. فهنجد إننا اتحرّكنا خانتين.

تاني حاجة هنتحرك في الاتّجاه الموجب لمحور الصادات، فهنتحرك بالشكل ده. وهنجد إننا اتحرّكنا خانة واحدة. والميل بيساوي عدد الخانات اللي اتحرّكناها في الاتجاه الموجب لمحور الصادات، مقسومة على عدد الخانات اللي اتحركناها في الاتجاه الموجب لمحور السينات. يعني الميل هيساوي واحد على اتنين.

وبالتالي المعادلة الممثّلة بالتمثيل البياني، هتكون ص ناقص ستة هتساوي … هنعوّض عن الميل بواحد على اتنين، مضروب في س زائد اتنين. يبقى كده قدرنا نوجد المعادلة الممثّلة بالتمثيل البياني الموضّح، واللي كانت هي الاختيار د.