فيديو: النموذج التجريبي الاول • الديناميكا • ٢٠١٩ • السؤال العاشر

النموذج التجريبي الاول • الديناميكا • ٢٠١٩ • السؤال العاشر

٠٢:٢٦

‏نسخة الفيديو النصية

يتحرك جسيم في الاتجاه الموجب لمحور السينات تحت تأثير القوة ق تساوي س في، واحد ناقص س نيوتن. حيث س مقيسة بالمتر. أوجد بالجول مقدار الشغل المبذول بواسطة هذه القوة على الجسيم، عندما يتحرك من س تساوي صفر إلى س تساوي واحد.

القوة المعطاة في المثال بتساوي س في، واحد ناقص س نيوتن. وده معناه إن القوة متغيرة؛ لأنها دالة في الموضع. فإذا كان موضع الجسيم هو نقطة الأصل في بداية الحركة. وكان الجسيم بيتحرك في خط مستقيم في الاتجاه الموجب لمحور السينات. يعني متجه المسافة بيساوي متجه الموضع. وفي الحالة د بنحسب الشغل باستخدام العلاقة: ش بتساوي تكامل ق بالنسبة لِـ س.

وبما إن المطلوب هو مقدار الشغل المبذول بواسطة القوة لمّا الجسم بيتحرك من س بتساوي صفر إلى س بتساوي واحد … فالتكامل هيكون محدّد من س بتساوي صفر إلى س بتساوي واحد. يبقى الشغل في الحالة دي هيساوي تكامل س في، واحد ناقص س بالنسبة لِـ س من صفر إلى واحد. ده هيساوي تكامل س ناقص س تربيع بالنسبة لِـ س من صفر إلى واحد. يعني هيساوي س تربيع على اتنين، ناقص س تكعيب على تلاتة، الكل من صفر إلى واحد.

فهنعوّض مرة عن س بأنها بتساوي واحد، ومرة بأنها بتساوي صفر. والشغل هيساوي الفرق ما بينهم. يبقى الشغل بيساوي واحد تربيع على اتنين، ناقص واحد تكعيب على تلاتة، ناقص صفر تربيع على اتنين، ناقص صفر تكعيب على تلاتة. وده هيساوي بعد إجراء الحسابات، واحد على اتنين، ناقص واحد على تلاتة. وبتوحيد المقامات، ده هيساوي تلاتة على ستة، ناقص اتنين على ستة. يعني الشغل المبذول بواسطة القوة على الجسيم، عندما يتحرك من س بتساوي صفر إلى س بتساوي واحد، بيساوي واحد على ستة جول.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.