فيديو: تبسيط المقادير العددية بطرح الكسور أو الأعداد الكسرية وقسمتها

احسب (٢٤/٢٣ ÷ ٦/٥) − ٥/٤ في أبسط صورة.

٠١:٥٥

‏نسخة الفيديو النصية

احسب: ثلاثة وعشرون على أربعة وعشرون، على، خمسة على ستة؛ الكل ناقص أربعة على خمسة؛ في أبسط صورة.

عشان نحسب المقدار الظاهر، أول حاجة حسب ترتيب العمليات، هنُجري العمليات داخل الأقواس. يبقى في الأول هنحسب تلاتة وعشرين على أربعة وعشرين، على، خمسة على ستة. في حالة القسمة على كسر، بنحوّل عملية القسمة لضرب، وبنقلب الكسر اللي بعد علامة القسمة. يبقى ده هيساوي تلاتة وعشرين على أربعة وعشرين، في، ستة على خمسة. اللي هيساوي تلاتة وعشرين في ستة، على، أربعة وعشرين في خمسة.

فهنقسم البسط والمقام على ستة. فده هيساوي تلاتة وعشرين على، أربعة في خمسة. يعني هيساوي تلاتة وعشرين على … أربعة في خمسة هيساوي عشرين.

نكمل بعد كده تلاتة وعشرين على عشرين، اللي هو ما بداخل الأقواس، ناقص، أربعة على خمسة. فعشان نقدر نطرح، لازم أول حاجة نوحّد المقامات. فهنضرب البسط والمقام في الكسر التاني، في أربعة. فده هيساوي تلاتة وعشرين على عشرين، ناقص … أربعة في أربعة بتساوي ستاشر، على … خمسة في أربعة هيساوي عشرين. يعني ده هيساوي تلاتة وعشرين ناقص ستاشر، الكل على عشرين. اللي هيساوي سبعة على عشرين. ودي أبسط صورة للمقدار.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.