فيديو: تحديد التعبير المناسب لمسألة طرح

سيبلغ باسم من العمر ٨٩ سنة في ٢٠٢٥. أكمل لتحصل على تعبير يخبرنا بعمره في ٢٠٠٨: _ − _.

٠١:٤٧

‏نسخة الفيديو النصية

سيبلغ باسم من العمر تسعة وتمانين سنة في ألفين خمسة وعشرين. أكمل لتحصل على تعبير يخبرنا بعمره في ألفين وتمنية: نقط، ناقص، نقط.

يعني إيه السؤال ده؟ عندنا راجل اسمه باسم. باسم في سنة ألفين خمسة وعشرين هيكون عنده تسعة وتمانين سنة. في ألفين وتمنية بقى، إيه هو التعبير اللي يعرّفنا عمره؟ علشان نعرف، هنشوف الفرق ما بين ألفين خمسة وعشرين وألفين وتمنية كام سنة.

فهنقول: ألفين خمسة وعشرين ناقص ألفين وتمنية، ونبدأ نطرح. خمسة ناقص تمنية ما ينفعش؛ لأن الخمسة صغيّرة، ما ينفعش ناخد منها تمنية، فنستلف. نخلّي الاتنين دي واحد، والخمسة تبقى خمستاشر. خمستاشر ناقص تمنية، سبعة. والواحد ده ينزل. والباقي أصفار؛ لأن اتنين هتروح مع الاتنين. اتنين ناقص اتنين، صفر. فده معناه إن الفرق بين ألفين خمسة وعشرين وألفين وتمنية هو سبعتاشر سنة.

فلو عاوزين عمر باسم في ألفين وتمنية، هناخد عمره في ألفين خمسة وعشرين، اللي هو تسعة وتمانين، ونشيل منه كام؟ سبعتاشر سنة؛ عشان ده الفرق. يبقى هنا الإجابة هتكون إيه؟ تسعة وتمانين ناقص سبعتاشر. هو ده التعبير اللي هيعرَّفنا عمر باسم في سنة ألفين وتمنية؛ تسعة وتمانين ناقص سبعتاشر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.