فيديو: معرفة الأعداد من ١١ إلى ١٩ بالصور والأرقام

أماني يوسف

اختر زوج البطاقات الذي يجب استخدامه لتوضيح العدد المكوَّن في أُطُر العشرة. [أ] ١، ٢ [ب] ٨، ١ [ج] ٢، ١

٠٢:٠٨

‏نسخة الفيديو النصية

اختر زوج البطاقات الذي يجب استخدامه لتوضيح العدد المكوَّن في أُطُر العشرة.

عاوزين نعرف أيّ بطاقة مِ البطاقات اللي قدامنا دي هي اللي صحّ، واللي بتوضّح لنا العدد اللي موجود قدامنا في أُطُر العشرة. دلوقتي إحنا عندنا إطارين؛ ده إطار، وده إطار تاني. كل إطار فيه عدد من الدواير. يعني عندنا مثلًا الإطار الأول فيه واحد، اتنين؛ دايرتين. يعني وحدتين أو اتنين.

والإطار التاني مليان على آخره. يعني إيه مليان على آخره؟ مش ده إطار عشرة؟ يعني فيه عشر خانات أو عشر وحدات؟ فمعنى إن هو مليان على آخره، وما فيهوش ولا مربَّع فاضي، يبقى هو فيه عشرة. يعني إيه فيه عشرة؟ يعني يكوّن واحد في خانة العشرات. طيب وبالنسبة للإطار الأولاني؟ الإطار الأولاني ما فيهوش غير دايرتين، يعني وحدتين. يعني اتنين في خانة الآحاد. وإحنا قلنا كام في خانة العشرات؟ قلنا: العشرات ما دام فيها عشر وحدات يعني بتساوي واحد في خانة العشرات. طيب إيه العدد اللي آحاده اتنين وعشراته واحد؟ هو الاتناشر.

طيب تعالوا كده بقى نبصّ عَ الاختيارات. أول اختيار عندنا عامل لنا البطاقة الأولى فيها واحد، والتانية فيها اتنين. يعني واحد وعشرين. مش صحّ. يبقى الاختيار الأول ده مش هو اللي صحّ. إحنا بندوّر على الاتناشر. طيب الاختيار التاني؟ البطاقة الأولى فيها تمنية، والتانية فيها واحد. يعني تمنتاشر. برضو مش هي الإجابة الصحّ.

طيب والاختيار التالت؟ فيه اتنين في الآحاد زيّ ما قلنا أهو. اتنين في الآحاد، وواحد في العشرات. العشر وحدات قلنا: إن هي واحد في العشرات. يبقى هي دي الاتناشر. وهي دي الإجابة الصحّ اللي إحنا المفروض نختارها؛ اتناشر. البطاقة الأولى فيها اتنين، والتانية فيها واحد.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.