فيديو السؤال: إيجاد مساحة المربع

نسخة الفيديو النصية

وُضعتْ سجادة مربعة طول ضلعها تمنية متر، في غرفة مربعة طول ضلعها عشرة متر. أوجد مساحة الجزء غير المفروش بالسجاد من أرضية الغرفة.

لو افترضنا إن المربع الأخضر اللي قدامنا ده هو أرضية الغرفة، والسجادة هي المربع الأصغر، اللي منقوش اللي موجود بداخله. دلوقتي لو عايزين نحسب مساحة الجزء اللي مش مفروش بالسجاد من أرضية الغرفة، نقدر نوجده إزاي؟ نحسب مساحة أرضية الغرفة كلها الأول، ونطرح منها مساحة السجادة، اللي هي هتبقى عبارة عن مساحة الجزء المفروش بالسجاد. كده ناتج الطرح هيمثل الجزء غير المفروش بالسجاد من أرضية الغرفة. يعني مساحة الجزء غير المفروش هيبقى بيساوي مساحة الغرفة ناقص مساحة السجادة.

وإحنا عارفين إن الغرفة على شكل مربع، فتبقى مساحتها هي حاصل ضرب طول الضلع في نفسه. طول ضلع الغرفة عشرة أمتار، يبقى مساحتها حاصل ضرب عشرة في عشرة، ناقص … مساحة السجادة، السجادة برضو على شكل مربع طول ضلعه تمنية، فيبقى مساحتها حاصل ضرب طول الضلع في نفسه، يعني حاصل ضرب تمنية في تمنية.

لو جينا نضرب عشرة في عشرة، هيبقى يساوي مية، ناقص … حاصل ضرب تمنية في تمنية، يبقى أربعة وستين. مية ناقص أربعة وستين يساوي ستة وتلاتين. وبما إن إحنا بنحسب مساحة، فوحدتها دايمًا بتبقى وحدة مربعة. يعني وحدة المساحة اللي إحنا طلعناها دي هتبقى بالمتر المربع؛ لأن طول الضلع متقاس بالمتر.

يبقى لمّا نيجي نوجد المساحة، هنربّع الوحدة اللي استخدمناها لقياس طول الضلع، فتبقى المساحة في الحالة دي وحدتها متر مربع.