تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد المسافة العمودية بين نقطة على دائرة ونقطة أخرى على وتر

أحمد لطفي

القطعة المستقيمة ﺃﺏ وتر في الدائرة ﻡ التي نصف قطرها ٢٥٫٥ سم. إذا كان ﺃﺏ = ٤٠٫٨ سم، فما طول القطعة المستقيمة دﻫ؟

٠٢:١٨

‏نسخة الفيديو النصية

القطعة المستقيمة أ ب وتر في الدائرة م، التي نصف قطرها خمسة وعشرين وخمسة من عشرة سنتيمتر. إذا كان أ ب بتساوي أربعين وتمنية من عشرة سنتيمتر، فما طول القطعة المستقيمة د هـ؟

في البداية هنصل بين النقطتين م وَ أ، فهيكونوا بالشكل ده. وبما إن م أ بتمثل نصف قطر الدائرة م، فيبقى م أ هتساوي خمسة وعشرين وخمسة من عشرة سنتيمتر. ومعطى عندنا إن القطعة المستقيمة أ ب هي وتر في الدائرة م. وبما إن م د عمودي على الوتر أ ب، فلما يكون عندنا خط عمودي على وتر في الدائرة، فبيكون منصف للوتر؛ وبالتالي أ د هتساوي د ب. يعني لو عايزين نوجد أ د، فـ أ د هتساوي أربعين وتمنية من عشرة على اتنين، يعني أ د هتساوي عشرين وأربعة من عشرة سنتيمتر.

وفي المثلث أ م د هنلاحظ إن المثلث قائم الزاوية عند د، وبالتالي لو عايزين نوجد م د، هنستخدم قانون فيثاغورس، فهيكون عندنا م د هتساوي الجذر التربيعي لـ أ م تربيع ناقص أ د تربيع، يبقى م د هتساوي الجذر التربيعي خمسة وعشرين وخمسة من عشرة تربيع ناقص عشرين وأربعة من عشرة تربيع، يعني م د هتساوي خمستاشر وتلاتة من عشرة سنتيمتر.

يبقى لو عايزين نوجد د هـ، فـ د هـ هتساوي م هـ ناقص م د، يعني د هـ هتساوي خمسة وعشرين وخمسة من عشرة ناقص خمستاشر وتلاتة من عشرة، يعني د هـ هتساوي عشرة واتنين من عشرة سنتيمتر.

ويبقى كده قدرنا نوجد د هـ، وكانت بتساوي عشرة واتنين من عشرة سنتيمتر.