فيديو: جمع المقادير الجبرية وإيجاد قيمتها

إذا كان ﺃ + ﺏ = ٢/٣، ﺏ + ﺟ = ٥/٣، فأوجد قيمة ﺃ + ٢ﺏ + ﺟ في أبسط صورة.

٠٣:١٦

‏نسخة الفيديو النصية

إذا كان أ زائد ب يساوي تلاتة على اتنين. وَ ب زائد ج يساوي تلاتة على خمسة. فأوجد قيمة أ، زائد اتنين ب، زائد ج في أبسط صورة.

عشان نوجد قيمة المقدار: أ، زائد اتنين ب، زائد ج هنكتبه على الصورة: أ، زائد ب، زائد ب، زائد ج. أ زائد ب، من المعطيات بيساوي تلاتة على اتنين. وَ ب زائد ج، من المعطيات بيساوي تلاتة على خمسة. يبقى المقدار: أ زائد اتنين ب زائد ج هيساوي تلاتة على اتنين، زائد تلاتة على خمسة.

بعد كده هنوحّد المقامات؛ عشان نقدر نُجري عملية الجمع بين الكسرين. فهنشوف أول مضاعف مشترك للمقامين. فهنلاقي إن المضاعف المشترك ده هو عشرة. فهنخلّي المقامين بيساووا عشرة. يبقى المقدار هيساوي … عشان نخلّي مقام الكسر الأول، اللي هو اتنين، بيساوي عشرة، هنضرب اتنين في خمسة. وعشان ما نغيّرش قيمة الكسر، هنضرب البسط برضو في خمسة. زائد … عشان نخلّي مقام الكسر التاني، اللي هو خمسة، بيساوي عشرة، فهنضرب خمسة في اتنين. وعشان برضو ما نغيّرش قيمة الكسر، هنضرب البسط، اللي هو تلاتة، برضو في اتنين. ده هيساوي … تلاتة في خمسة بيساوي خمستاشر. على … اتنين في خمسة بيساوي عشرة. زائد … تلاتة في اتنين بيساوي ستة. وخمسة في اتنين بيساوي عشرة. يعني خمستاشر على عشرة، زائد ستة على عشرة.

وبما إن المقامين بقى متساويين، يبقى ممكن نقول: إن مجموع الكسرين هيساوي خمستاشر زائد ستة الكل على المقام المشترك، اللي هو عشرة. ده هيساوي … خمستاشر زائد ستة بيساوي واحد وعشرين. يبقى هيساوي واحد وعشرين على عشرة. يبقى المقدار بيساوي واحد وعشرين على عشرة. يبقى أ، زائد اتنين ب، زائد ج هيساوي واحد وعشرين على عشرة.

ولو عايزين نكتبه على صورة عدد كسري، فممكن نقول: إن واحد، زائد عشرة، زائد عشرة، على عشرة هيساوي واحد وعشرين على عشرة. وده بيساوي واحد على عشرة، زائد عشرة على عشرة، زائد عشرة على عشرة. وباستخدام التبسيط، المقدار هيساوي واحد على عشرة، زائد واحد، زائد واحد. يعني هيساوي اتنين وواحد على عشرة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.