فيديو: إيجاد نهاية الدالة الكسرية عند نقطة

أوجد نها_(ﺱ ← ٨) (٦ﺱ − ٤٨)/(٦ﺱ + (ﺱ − ٨)^٨ − ٤٨).

٠٢:٤١

‏نسخة الفيديو النصية

أوجد نهاية ستة س ناقص تمنية وأربعين؛ على ستة س زائد، س ناقص التمنية الكل أس تمنية، ناقص تمنية وأربعين، لمّا الـ س تئول للتمنية.

دي دالة كسرية. علشان نوجد نهايتها، هنعوّض بالقيمة اللي هتئول ليها الـ س اللي هو س تئول للتمنية؛ يبقى ستة في تمنية، ناقص التمنية وأربعين؛ على ستة في تمنية، زائد تمنية ناقص التمنية أس تمنية، ناقص تمنية وأربعين. يبقى البسط هيساوي صفر، والمقام هيساوي صفر. يبقى دي كمية غير معينة، وعلشان نوجد نهايتها لازم ندوّر على دالة مكافئة للدالة دي؛ يعني بتساويها. لكن لمّا نعوّض بالـ س تساوي تمنية، ما يبقاش صفر على صفر.

هندوّر على تبسيط للدالة دي، هنشوف إيه المشتركات ما بين البسط والمقام، ونختصرهم مع بعض. هنا الستة س ناقص التمنية وأربعين، ممكن ناخد … هنوجد نهاية لمّا الـ س تئول للتمنية لدالة مبسّطة عن الدالة دي؛ علشان نقدر نعوّض فيها بالـ س تساوي تمنية. البسط ستة س ناقص تمنية وأربعين، فيه مشترك في البسط اللي هو الستة، يبقى هناخد الستة مشترك؛ ستة س على الستة بقت س، ناقص … التمنية وأربعين على الستة بقت تمنية. والمقام فيه ستة س وتمنية وأربعين، نقدر ناخدهم مع بعض، يبقى … وناخد منهم مشترك ستة، يبقى ستة في الـ س ناقص التمنية، زائد س ناقص التمنية أس تمنية دي زي ما هي. الكلام ده هيساوي نهاية لمّا الـ س تئول للتمنية، ستة في س ناقص تمنية في البسط، المقام فيه س ناقص تمنية وَ س ناقص تمنية أس تمنية، نقدر ناخد واحدة منهم مشتركة، يبقى س ناقص تمنية، هناخدها مشترك برّه، يبقى القوس الأوّلاني لمّا هنقسِم على الـ س ناقص تمنية هيتبقّى ستة، زائد … القوس التاني لمّا هنقسِم على س ناقص التمنية هيبقى باقي س ناقص تمنية الكل أُس سبعة.

هنختصر الـ س ناقص التمنية مع الـ س ناقص التمنية، يبقى هيساوي لمّا نهاية الـ س تئول للتمنية: ستة؛ على ستة زائد، س ناقص تمنية الكل أُس سبعة.

هنعوّض بالـ س تساوي تمنية؛ يبقى ستة؛ على ستة زائد، تمنية ناقص تمنية الكل أس سبعة، هيساوي ستة؛ على ستة زائد الصفر، هيساوي واحد. يبقى هي دي قيمة النهاية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.