فيديو: إيجاد عدة طرق لتلوين وحدات كسور الأشكال

ظلَّل كلٌّ من باسم ومنى ٢/١ مساحة نفس المستطيل. أوجد طريقة أخرى لتظليل ٢/١ المساحة.

٠٢:١٦

‏نسخة الفيديو النصية

ظلّل كلًا من باسم ومنى نُصّ مساحة نفس المستطيل. أوجد طريقة أخرى لتظليل نُصّ المساحة.

فيه ولد اسمه باسم، وبنت اسمها منى. كل واحد فيهم خد مستطيل من دول؛ ده، وده، وظلّل نصّه. باسم بدأ وظلّل المستطيل إزاي؟ ظلّل التلات أجزاء دول: واحد، اتنين، تلاتة. فكده ظلّل تلات أجزاء، وهُم كلهم ست أجزاء. يعني ظلّل نُصّ المستطيل. ومنى ظلّلت الأجزاء دي: واحد، اتنين، تلاتة. يعني ظلّلت تلات أجزاء من ست أجزاء. يعني برضو نُصّ المستطيل. عاوزين نبصّ على الاختيارات كويس، ونختار إحنا طريقة كمان، علشان نظلّل بيها نُصّ المستطيل.

فهنبصّ على أول اختيار ده، ونشوف هل ده مستطيل نُصّه مظلّل ولّا لأة. إحنا قلنا عدد أجزاء المستطيل كلها ستة، فيه كام جزء مظلّل؟ واحد، اتنين. يعني ده معناه إن اتنين على ستة من المستطيل مظلّل. يعني إيه اتنين على ستة؟ يعني تُلت، مش نُصّ. إحنا محتاجين يكون تلاتة على ستة. زيّ ما منى وباسم عملوا هنا؛ تلاتة على ستة، وتلاتة على ستة. علشان يبقى اختيار صح. فده معناه إن الاختيار الأول ده مش صح.

نبصّ عَ الاختيار اللي بعده، اللي هو ده. هنلاقيهم مظلّلين جزء واحد من الستة. يبقى واحد على ستة، مش تلاتة على ستة. فده معناه إن ده برضو مش نُصّ المستطيل. نيجي للاختيار اللي بعده، اللي هو ج. هنلاقي جزئين: واحد، اتنين. يبقى اتنين من ست أجزاء مظلّلين، اللي هي برضو تُلت. فده مش نُصّ المستطيل. فيبقى برضو إجابة غلط.

نيجي لآخر اختيار، واللي هو ده. هنلاقي فيه تلات أجزاء مظلّلين: واحد، اتنين، تلاتة. وهُم كلهم ست أجزاء، يبقى تلاتة على ستة. آه هنا لقينا التلاتة على ستة، واللي هي في نفس الوقت بتساوي النُّص. يبقى هو ده المستطيل اللي نُصّه مظلّل. ويبقى هو ده الاختيار الصح.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.