فيديو: إيجاد قياس زاوية والزاوية المكمِّلة لها بمعلومية العلاقة بينهما

أوجد قيمة ﺱ.

٠١:١٥

‏نسخة الفيديو النصية

أوجد قيمة س.

ومُعطى عندنا الشكل اللي قدامنا، وعندنا الزاوية دي قياسها أربعة س درجة، والزاوية دي قياسها تمنية س درجة. والمطلوب إننا نوجد قيمة س؛ فمن الشكل هنلاحظ إن الزاويتين بيكوّنوا زاوية مستقيمة، والزاوية المستقيمة هي الزاوية اللي قياسها مية وتمانين درجة. وبما إن الزاويتين بيكونوا زاوية مستقيمة؛ فبالتالي هيبقى الزاويتين زاويتين متكاملتين، وخلينا نفتكر إن الزاويتين المتكاملتين هما الزاويتين اللي مجموع قياسهم مية وتمانين درجة؛ فمعنى كده إن مجموع قياسات الزاويتين دول هيساوي مية وتمانين درجة، وبالتالي هيبقى أربعة س زائد تمنية س يساوي مية وتمانين.

فأول حاجة هنعملها إننا هنجمع أربعة س زائد تمنية س، واللي هتساوي اتناشر س؛ وبالتالي هتبقى المعادلة هي اتناشر س يساوي مية وتمانين، فعشان نوجد قيمة س يبقى هنقسم طرفَيّ المعادلة على اتناشر، فهيبقى الطرف الأيمن للمعادلة هو اتناشر س على اتناشر، فنقدر نختصر اتناشر مع اتناشر، فيتبقى س. وأما في الطرف الأيسر للمعادلة، فهنقسم مية وتمانين على اتناشر، فلمّا نحسبها هتبقى بتساوي خمستاشر. وبالتالي هتبقى قيمة س هي خمستاشر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.