فيديو: فَهْم القيمة المكانية في الأعداد العشرية

أيُّ من الأعداد التالية يقع رقمها الأخير في خانة الجزء من العشرة؟

٠١:٢٢

‏نسخة الفيديو النصية

أيُّ من الأعداد التالية يقع رقمها الأخير في خانة الجزء من العشرة؟

هنكتب جدول القيم المكانية للأعداد اللي عندنا، ونبتدي نحط الأعداد دي ونحط كل رقم فيها في الخانة الخاصة بقيمته المكانية. نبدأ بالعدد الأول اللي هو تلاتة من عشرة، هنلاقي إن عندنا صفر في الآحاد وبعدين العلامة العشرية، وعندنا الرقم تلاتة في خانة الجزء من عشرة. العدد اللي بعد كده هنلاقي إن عندنا صفر في خانة الآحاد وبعدين العلامة العشرية، وبعدين واحد في خانة الجزء من العشرة، وأربعة في خانة الجزء من مائة. العدد اللي بعده هنلاقي إن فيه صفر في خانة الآحاد وبعدين العلامة العشرية، وبعدين اتنين في خانة الجزء من العشرة. آخر عدد عندنا هنلاقي فيه صفر في الآحاد وبعدين صفر في خانة الجزء من عشرة، واتنين في خانة الجزء من المائة. ومطلوب مننا في السؤال الأعداد اللي رقمها الأخير بيقع في خانة الجزء من عشرة، يعني اللي خانة الجزء من مائة فيها فاضية ما فيهاش أي رقم، اللي هم هيبقوا العددين دول؛ اتنين من عشرة، وتلاتة من عشرة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.