فيديو: استخدام المخططات التصويرية لفهم أن هناك طرقًا عديدة لتكوين عدد

توضِّح الصورة التالية أن ٤ + ٦ = ١٠. ما الصورة التي توضِّح ٢ + ٨ = ١٠؟ [أ] صورة أ [ب] صورة ب [ج] صورة ﺟ

٠٣:٠٠

‏نسخة الفيديو النصية

توضّح الصورة التالية أن أربعة زائد ستة تساوي عشرة. ما الصورة التي توضّح اتنين زائد تمنية تساوي عشرة؟ صورة أ، ولّا الصورة ب، ولّا الصورة ج.

يبقى السؤال بيقول لنا إننا عندنا الصورة دي، بتوضّح لنا إيه؟ إن أربعة، الأربع مربعات اللي لونهم أخضر دول. زائد ستة، الست مربعات اللي لونهم أصفر دول. بيساووا عشرة. كلهم عددهم عشرة. فعاوزين بنفس الطريقة، نلاقي الصورة اللي بتوضّح اتنين زائد تمنية تساوي عشرة.

نبصّ على الصورة الأولى، الصورة الأولى فيها إيه؟ واحد، اتنين، تلاتة، أربعة، خمسة. فيها خمس مربعات لونهم أخضر. ومجموع عليهم إيه؟ واحد، اتنين، تلاتة، أربعة، خمسة. مجموع عليهم كمان خمس مربعات لونهم أصفر. يبقى هنا خمسة زائد خمسة. طب خمسة زائد خمسة تساوي إيه؟ تعالوا كده نشوف. واحد، اتنين، تلاتة. أربعة، خمسة. ستة، سبعة، تمنية، تسعة، عشرة. خمسة زائد خمسة تساوي عشرة. دي المعادلة اللي الصورة بتقول لنا عليها. طب هي دي اللي إحنا عاوزينها؟ لأ، إحنا عاوزين اتنين زائد تمنية تساوي عشرة. فده معناه إن الصورة دي مش صح.

نشوف الصورة اللي بعدها. الصورة اللي بعدها فيها إيه؟ مربعين لونهم أخضر: واحد، اتنين. يبقى دول كده اتنين. هنجمع عليهم إيه؟ واحد، اتنين، تلاتة، أربعة. خمسة، ستة، سبعة. هنجمع عليهم سبع مربعات باللون الأصفر. يبقى اتنين زائد سبعة كام؟ نعدّهم كلهم. واحد، اتنين. تلاتة، أربعة. خمسة، ستة. سبعة، تمنية، تسعة. يبقى الصورة دي بتقول لنا إن إحنا بنجمع اتنين زائد سبعة، والناتج بيكون تسعة. وبرضو مش هي اللي صح. إحنا عاوزين اتنين زائد تمنية تساوي عشرة. يبقى نستبعد الإجابة دي.

نيجي لآخر صورة. آخر صورة فيها إيه؟ واحد، اتنين. مربعين لونهم أخضر. مجموع عليهم إيه؟ واحد، اتنين، تلاتة. أربعة، خمسة، ستة. سبعة، تمنية. مجموع عليهم تمن مربعات باللون الأصفر. يبقى عددهم كلهم كام؟ واحد، اتنين، تلاتة. أربعة، خمسة، ستة. سبعة، تمنية، تسعة، عشرة. يبقى الناتج عشرة. يبقى إحنا هنا الصورة دي بتقول لنا إيه؟ بتقول لنا إن اتنين زائد تمنية تساوي عشرة. وهي دي الصورة اللي إحنا عاوزينها. فيبقى هو ده الاختيار الصح.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.