تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد قياس الزاوية بين أحد مستقيمين متوازيين وأحد أضلاع شكل رباعي

سوزان فائق

في الشكل الآتي، ﺟد، ﺏﻫ متوازيان. أوجد ق⦣ﺃﺏﻫ.

٠٢:٢٣

‏نسخة الفيديو النصية

في الشكل الآتي ﺟ د وَ ب ﻫ متوازيان، أوجد قياس زاوية أ ب ﻫ.

عايزين نوجد قياس الزاوية دي. بما إن ﺟ د بيوازي ب ﻫ؛ يبقى الزوايا الداخلية من ناحية واحدة من القاطع بتبقى مكمِّلة لبعض، يعني مجموعهم مية وتمانين درجة؛ يبقى الزاوية ﻫ ب ﺟ اللي هي الزاوية ب كلها زائد الزاوية ﺟ هيبقى مجموعهم مية وتمانين درجة؛ لأن هم في ناحية واحدة من القاطع اللي هو ب ﺟ، فلو أوجدنا قيمة الزاوية ﺟ نقدر نجيب قيمة الزاوية ب كلها اللي هي ﻫ ب ﺟ، وبعد ما نجيب قياس الزاوية ب نقدر نطرح منها تسعة وستين درجة اللي هو قيمة الزاوية أ ب ﺟ؛ وبالتالي نحصل على الزاوية ﻫ ب أ.

من الشكل الرباعي أ ب ﺟ د مجموع زواياه الداخلية بتساوي تلتمية وستين درجة؛ فقياس الزاوية أ يساوي مية واحد وتلاتين درجة، وقياس الزاوية أ ب ﺟ بتسعة وستين درجة، وقياس الزاوية د بتسعين درجة؛ يبقى نقدر نوجد قياس الزاوية ﺟ بإن إحنا هنعوّض بقيَمهم، ونوجد قياس الزاوية ﺟ، يبقى قياس الزاوية ﺟ هيساوي: تلتمية وستين درجة، ناقص مية واحد وتلاتين درجة، ناقص تسعة وستين درجة، ناقص تسعين درجة، هتساوي سبعين درجة.

كده أوجدنا قياس الزاوية ﺟ، يبقى نقدر نجيب قياس الزاوية ﻫ ب ﺟ؛ يبقى لمّا هنعوّض بقياس زاوية ﺟ بسبعين درجة، يبقى قياس زاوية ﻫ ب ﺟ هتساوي المية وتمانين درجة، ناقص السبعين، يعني هتساوي مية وعشرة درجة.

وعلشان نوجد قياس زاوية أ ب ﻫ فهنطرح التسعة وستين درجة اللي هو قيمة الزاوية أ ب ﺟ، من المية وعشرة؛ يبقى هتساوي واحد وأربعين درجة، وهي دي قيمة الزاوية المطلوبة.