فيديو: إيجاد إحداثيات نقطة بعد الانعكاس بمعلومية إحداثياتها الأصلية

إذا انعكست نقطة إحداثيتها (ﺱ، ﺹ) في محور السينات، فأوجد إحداثيات صورة النقطة.

٠٢:١٨

‏نسخة الفيديو النصية

إذا انعكست نقطة إحداثياتها س و ص في محور السينات، فأوجد إحداثيات صورة النقطة.

هنرسم المستوى الإحداثي، وهنفترض إن عندنا نقطة، ولتكن النقطة تلاتة واتنين هتبقى بتقع هنا، لو سمينا النقطة دي أ مطلوب مننا إننا نوجد صورتها بالانعكاس في محور السينات؛ يعني هنعتبر س ده المحور ده هو محور الانعكاس، وعايزين نوجد أ شرطة اللي هي صورة أ بالانعكاس في محور السينات، عشان نوجد صورة نقطة ما بالانعكاس على محور زي محور السينات، بنرسم عمودي بيمر بالنقطة دي، ويبقى عمودي على محور الانعكاس بالشكل ده، أما المسافة بين صورة النقطة ومحور الانعكاس فبتبقى هي نفس المسافة بين النقطة نفسها ومحور الانعكاس، هنشوف المسافة بين النقطة ومحور الانعكاس هنعدّها: واحد، اتنين؛ يبقى المسافة بين صورتها وبين محور الانعكاس هتبقى برضو وحدتين بس في الاتجاه المقابل يعني: واحد، اتنين؛ يبقى النقطة دي هتبقى هي أ شرطة اللي هي صورة أ بالانعكاس على محور السينات، طب إيه الإحداثيات بتاعتها؟ الإحداثيات بتاعتها الإحداثي السيني هو تلاتة نفس إحداثي النقطة الأصلية، أما الإحداثي الصادي ليها فهو سالب اتنين؛ يعني لما كانت النقطة أ إحداثياتها تلاتة واتنين، صورتها طلعت إحداثياتها تلاتة وسالب اتنين، لو بصينا كويس لإحداثيات النقطة وصورتها، هنلاحظ إن الإحداثي السيني زي ما هو ما تغيرش، الإحداثي الصادي هو نفس العدد بس بإشارة سالبة.

يبقى نقدر نستنتج صيغة عامة يبقى هي اللي بنستخدمها لإيجاد صورة أي نقطة بالانعكاس في محور السينات، لو كانت النقطة إحداثياتها س و ص فالصورة بتاعتها هيفضل إحداثها السيني زي ما هو مش بيتغير، وإحداثها الصادي هياخد نفس القيمة بس بإشارة سالبة، فهتبقى إحداثياتها س وسالب ص.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.