فيديو: المساحة في الهندسة المستوية

مستطيل مساحته ٦٫٩٥ سم^٢، وعرضه ١٫٧٥ سم. ما طول المستطيل لأقرب جزء من مائة؟

٠٢:٣٧

‏نسخة الفيديو النصية

مستطيل مساحته ستة وخمسة وتسعين من مية سنتيمتر مربع، وعرضه واحد وخمسة وسبعين من مية سنتيمتر، ما طول المستطيل لأقرب جزء من مائة؟

يعني مُعطى عندنا مساحة المستطيل اللي هي ستة وخمسة وتسعين من مية سنتيمتر مربع، ومُعطى عندنا عرض المستطيل اللي هو واحد وخمسة وسبعين من مية سنتيمتر، والمطلوب إننا نوجد طول المستطيل. وفي الأول خلينا نفتكر مساحة المستطيل، فمساحة المستطيل هي حاصل ضرب طوله في عرضه؛ يعني بتساوي الطول في العرض، ومُعطى عندنا مساحة المستطيل، ومعطى عندنا عرضه، والمطلوب إننا نوجد طول المستطيل، فهنبدأ نعوَّض، ففي الأول هنعوَّض عن مساحة المستطيل بستة وخمسة وتسعين من مية، واللي هي مُعطاة عندنا في السؤال، بعد كده هنلاقي عندنا الطول اللي إحنا عايزين نوجده، والعرض هنعوَّض عنه بواحد وخمسة وسبعين من مية، وعشان نوجد قيمة الطول فمعنى كده إننا هنقسم طرفَي المعادلة على واحد وخمسة وسبعين من مية، فهنيجي عند الطرف الأيمن للمعادلة وهنقسم ستة وخمسة وتسعين من مية على واحد وخمسة وسبعين من مية، فهنحسبها باستخدام الآلة الحاسبة فهتبقى بتساوي تلاتة وتسع آلاف سبعمية وأربعتاشر من عشر آلاف. وأما في الطرف الأيسر للمعادلة لما هنقسم الطول في واحد وخمسة وسبعين من مية على واحد وخمسة وسبعين من مية، وأما الطرف الأيسر للمعادلة فهو الطول في واحد وخمسة وسبعين من مية على واحد وخمسة وسبعين من مية، فهنقسم البسط والمقام على واحد وخمسة وسبعين من مية، فلما هنقسمهم هيبقى عندنا هنا واحد وهنا واحد، فدلوقتي بقى الطرف الأيسر المعادلة بيساوي الطول في واحد على واحد، واللي بتساوي الطول، فيبقى إحنا كده حسبنا طول المستطيل واللي طلع بيساوي تلاتة وتسع آلاف سبعمية وأربعتاشر من عشر آلاف، لكن المطلوب في السؤال إننا نوجد طول المستطيل لأقرب جزء من مائة؛ فبالتالي لما نقرب العدد العشري ده لأقرب جزء من مائة هيبقى طول المستطيل تقريبًا بيساوي تلاتة وسبعة وتسعين من مية سنتيمتر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.