فيديو: طرح كسور مُعطاة ذات مقامات متشابهة

ما الكسر الذي يساوي ٩/٥ عند طرحه من ٩/٨؟

٠١:٥١

‏نسخة الفيديو النصية

ما الكسر الذي يساوي خمسة على تسعة، عند طرحه من تمنية على تسعة؟

دلوقتي نقدر نترجم الكلام اللي مكتوب عندنا ده بصيغة رياضية بالشكل ده: عندنا الكسر تمنية على تسعة، فيه كسر مجهول لو طرحناه منه، هيصبح ناتج عملية الطرح خمسة على تسعة. مطلوب مننا نحدّد إيه هو الكسر المجهول اللي يحقّق المعادلة اللي عندنا دي.

عشان نقدر نوجد الكسر المجهول اللي عندنا ده، يبقى عايزين نخليه في طرف لوحده. فهنطرح من طرفين المعادلة اللي عندنا تمنية على تسعة، فهيصبح عندنا المعادلة بالشكل ده. دلوقتي الطرف الأيمن فيه تمنية على تسعة ناقص تمنية على تسعة، دول هيبقوا بيساووا صفر، يبقى هيتبقّى بس في الطرف الأيمن سالب الكسر المجهول اللي مطلوب مننا إيجاده، هيساوي الطرف الأيسر. المفروض نطرح خمسة على تسعة ناقص تمنية على تسعة. هنلاحظ إن تمنية على تسعة أكبر من خمسة على تسعة، ده معناها إن الناتج هيبقى بالسالب. وعندنا المقام المشترك تسعة. خمسة ناقص تمنية بسالب تلاتة، يبقى الجانب الأيسر هيبقى فيه الكسر سالب تلاتة على تسعة.

عشان نخلّي الناتج اللي هنحصل عليه بالموجب، فهنضرب طرفَي المعادلة في سالب واحد، فهيصبح دلوقتي الكسر المطلوب إيجاده، الكسر المجهول اللي عايزين نوجد قيمته، هيصبح بيساوي تلاتة على تسعة. نقدر نختصره؛ لأن البسط والمقام فيه بينهم عامل مشترك تلاتة، فنقسم البسط والمقام على تلاتة، فهيصبح واحد على تلاتة. ويبقى كده قدرنا نوجد الكسر المجهول اللي مطلوب إيجاده في السؤال.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.