تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: معرفة التمدُّد وتحديد مُعامِل القياس

سوزان فائق

هل يوجد تمدُّد قد يجعل المثلث ﺃﺏﺟ ينطبق على المثلث ودﻫ؟ إذا كانت الإجابة بنعم، فاذكر مُعامل القياس.

٠٢:٥٩

‏نسخة الفيديو النصية

هل يوجد تمدد قد يجعل المثلث أ ب ج ينطبق على المثلث و د هـ؟ وإذا كانت الإجابة نعم فاذكر معامل القياس.

التمدد هو تحويل هندسي يكبِّر الشكل أو يصغِّره بنسبة محددة هي نسبة أحد أطوال الصورة إلى الطول المناظر لها في الشكل الأصلي، في السؤال عايزين نخلي أ ب ج يتمدد علشان ينطبق على المثلث و د هـ، وفي الشكل اللي قدامنا ده أ ب ج شكله أصغر من و د هـ؛ فمعنى كده إن إحنا هنضاعف أو هنكبّر المثلث أ ب ج علشان ينطبق على المثلث و د هـ، وعلشان ينطبق عليه لازم يكون أطوالهم تبقى زي بعض بالظبط، الأطوال المتناظرة وقياسات الزوايا المتناظرة، يعني مثلًا الزاوية ج تبقى هي نفس قياس الزاوية هـ، والزاوية أ تبقى نفس الزاوية و، والزاوية ب تبقى نفس الزاوية د، والأطوال ج ب يبقى لازم يساوي هـ د، و ج أ لازم يساوي هـ و، و أ ب يساوي و د.

فهل ينفع نعمل تمدد للـ أ ب ج علشان يبقى زي و د هـ منطبق عليه بالظبط؟ هنشوف ب ج طوله أدي وحدة اتنين تلاتة أربعة خمسة ستة، ونشوف هـ د وحدة اتنين تلاتة أربعة خمسة ستة سبعة تمنية تسعة عشرة حداشر اتناشر، يبقى معنى كده إن هـ د ضعف طول ب ج، هل كمان أ ج هيبقى نص و هـ، و أ ب يبقى نص و د، زي ما هو ب ج نص هـ د؟ لو حصل كده فعلًا يبقى نقدر نخلي أ ب ج يتمدد وينطبق على و د هـ، ويكون معامل القياس إن إحنا نضرب أطواله في اتنين، يعني هيبقى معامل القياس مقداره اتنين، هنقيس أ ج ونشوفها إذا كانت نص طول و هـ، بالقياس فعلًا هنلاقيهم الـ وهـ ضعف طول أ ج، يبقى كأن أ ج اتضرب في اتنين فبقى و هـ، وفي نفس الكلام لو ضربنا أ ب في اتنين هنلاقيه بالظبط هو طول و د، يبقى حل السؤال نعم يمكن أن يتمدد المثلث أ ب ج لينطبق على المثلث و د هـ، ومعامل القياس إن إحنا هنضرب في اتنين؛ يعني هنضرب كل ضلع فيه في اتنين علشان ينطبقوا على بعض، وهي دي الإجابة المطلوبة.