فيديو: قراءة البيانات من المُدرَّج التكراري

يوضّح الرسم البياني الوقت الذي تقضيه مجموعةٌ من الطلاب في عمل الواجب المنزلي في كل ليلة. أوجد عدد الطلاب الذين يقضون ٧٥ دقيقة أو أقل في عمل الواجب المنزلي في كل ليلة.

٠١:٣٠

‏نسخة الفيديو النصية

يوضّح الرسم البياني الوقت الذي تقضيه مجموعةٌ من الطلاب في عمل الواجب المنزلي في كل ليلة. أوجد عدد الطلاب الذين يقضون خمسةً وسبعين دقيقة أو أقل، في عمل الواجب المنزلي في كل ليلة.

بالنظر للرسم البياني، هنلاقي إن الطلاب موزّعين على ست أعمدة. وكل عمود بيزيد خمستاشر دقيقة عن العمود السابق ليه. يبقى عشان نعرف عدد الطلاب الذين يقضون خمسة وسبعين دقيقة أو أقل، في عمل الواجب، هنجمع عدد الطلاب في أول خمس أعمدة. وده لأنهم بيمثّلوا الوقت من خمسة وسبعين دقيقة، فما أقل.

فيبقى عدد الطلاب هيساوي … العمود الأول عدد الطلاب فيه هو طالب واحد، فهنكتب واحد. زائد … العمود التاني عدد الطلاب فيه هو طالبين، فهنكتب اتنين. زائد … العمود التالت بيمثّل خمس طلاب، يبقى هنكتب خمسة. زائد … العمود الرابع بيمثّل عشر طلاب، فهنكتب عشرة. زائد … العمود الخامس بيمثّل أربع طلاب، فهنكتب أربعة.

يبقى عدد الطلاب هو: واحد زائد اتنين زائد خمسة زائد عشرة زائد أربعة. وبجمع الأعداد دي، هيبقى الناتج هو: اتنين وعشرين طالب. وده عدد الطلاب اللي بيقضوا خمسة وسبعين دقيقة أو أقل، في عمل الواجب المنزلي في كل ليلة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.