فيديو: عد الأعداد حتى ٩٩٩ في مدًى معطًى

كانت ياسمين وسارة تعدان أعدادًا. عدَّت ياسمين الأعداد ٩٩، ١٠٠، ١٠١. أي ثلاثة أعداد سوف تعدها سارة لتكمل التسلسل؟

٠١:٣١

‏نسخة الفيديو النصية

كانت ياسمين وسارة تعدّان أعدادًا. عدّت ياسمين الأعداد: تسعة وتسعين، مية، مية وواحد. أيّ ثلاثة أعداد سوف تعدّها سارة، لتكمل التسلسل؟

عندنا بنت اسمها ياسمين، وبنت تانية اسمها سارة. كانوا بيعدّوا مع بعض شوية أعداد. فياسمين عدّت تلاتة أعداد. إيه هم؟ تسعة وتسعين، مية، مية وواحد. عاوزين نعرف سارة هتعدّ إيه بعد ياسمين. عاوزين سارة تعدّ تلات أعداد بَعد ياسمين. يعني عدد يتكتب هنا، وكمان واحد هنا، والتالت هنا؛ عشان نكون كمّلنا التسلسل.

طيب تعالوا كده نشوف ياسمين قالت إيه. ياسمين قالت: تسعة وتسعين، مية، مية وواحد. فسارة هتكمّل وتقول بعد المية وواحد: مية واتنين، مية وتلاتة، مية وأربعة. عرفنا إيه هم التلاتة أعداد اللي سارة كمّلتهم؟ الأعداد دي هي: مية واتنين فصلة مية وتلاتة فصلة مية وأربعة. تبقى هي دي الإجابة الصح، اللي إحنا المفروض نقولها.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.