فيديو: قسمة الأعداد حتى ١٠٠

اشترى طفل ٦ كتب بمبلغ ١٨ جنيهًا. ما تكلفة الكتاب الواحد؟

٠٢:١٦

‏نسخة الفيديو النصية

اشترى طفل ست كتب بمبلغ تمنتاشر جنيهًا. ما تكلفة الكتاب الواحد؟

عندنا طفل اشترى ست كتب. وتمن الست كتب تمنتاشر جنيه. ومطلوب إننا نجيب تكلفة الكتاب الواحد. عشان نجيب تكلفة الكتاب الواحد هنقسِّم تمن الست كتب على عددهم. يعني هنقسِّم المبلغ، اللي هو تمنتاشر جنيه، على الست كتب، عشان نعرف تمن الكتاب الواحد.

هنجيب ناتج القسمة إزَّاي؟ عشان أجيب ناتج قسمة تمنتاشر على ستة هكوّن مجموعات من ستة لحدّ ما أوصل للعدد تمنتاشر. واحد، اتنين، تلاتة، أربعة، خمسة، ستة، سبعة، تمنية، تسعة، عشرة، حداشر، اتناشر، تلتاشر، أربعتاشر، خمستاشر، ستاشر، سبعتاشر، تمنتاشر. بكده هكون كوّنت تلات مجموعات من ستة. ومن ده أقدر أستنتج إنه حاصل ضرب تلاتة في ستة هيساوي تمنتاشر. وبما إنه عملية القسمة هي العملية العكسية لعملية الضرب، إذن تمنتاشر على ستة هيساوي تلاتة.

أو بطريقة تانية، عشان نجيب ناتج قسمة تمنتاشر على ستة. زيّ ما قلنا، بما إنه عملية القسمة هي عكس عملية الضرب، إذن هنفكّر إيه العدد اللي هنضربه في العدد ستة يكون ناتج الضرب تمنتاشر. هنفتكر جدول ضرب ستة. ستة في واحد هيساوي ستة. وستة في اتنين هيساوي اتناشر. وستة في تلاتة هيساوي تمنتاشر. إذن ناتج قسمة تمنتاشر على ستة هيساوي تلاتة. وهو نفس الناتج اللي حصلنا عليه.

وبكده أقدر أقول: إنه تكلفة الكتاب الواحد تلاتة جنيهات.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.