فيديو: فَهْم الصيغة العلمية

بكم مِثل يكون ٣ × ١٠^−٦ أصغر من ٩ × ١٠^−٢؟

٠١:٣٢

‏نسخة الفيديو النصية

بكم مِثل يكون تلاتة في عشرة أُس سالب ستة، أصغر من تسعة في عشرة أُس سالب اتنين؟

علشان نحل المسألة دي هنجيب النسبة بين تلاتة في عشرة أُس سالب ستة، وتسعة في عشرة أُس سالب اتنين؛ لأن النسبة هي مقارنة بين عددين أو مقدارين لهما نفس الوحدة.

النسبة هتساوي تسعة في عشرة أُس سالب اتنين، على تلاتة في عشرة أُس سالب ستة. وبالقسمة على تلاتة؛ تسعة على تلاتة فيها تلاتة، تلاتة على تلاتة فيها واحد.

وهتساوي تلاتة في عشرة أُس سالب اتنين، على عشرة أُس سالب ستة. وهنضرب البسط والمقام في عشرة أُس ستة. وده هيساوي تلاتة في عشرة أُس سالب اتنين، في عشرة أُس ستة؛ مقسومة على عشرة أُس سالب ستة، في عشرة أُس ستة.

وعشرة أُس سالب ستة، مضروبة في عشرة أُس ستة، هتساوي عشرة أُس صفر، اللي هي بتساوي واحد. تلاتة مضروبة في عشرة، وعملية الضرب في الأُسس هي عملية جمع، سالب اتنين زائد ستة؛ وده هيساوي تلاتة في عشرة أُس أربعة. وتلاتة في عشرة أُس أربعة هتساوي تلاتين ألف.

وبكده هيكون تلاتة في عشرة أُس سالب ستة، أصغر من تسعة في عشرة أُس سالب اتنين بتلاتين ألف مِثل.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.