فيديو: إكمال جدول تكراري مُجمع باستخدام المعلومات المُعطاة في جدول العلامات

يوضّح جدول العلامات الدرجات التي حصل عليها طلاب فصل في اختبار رياضيات. باستخدام المعلومات الموجودة في جدول العلامات، أكمل الجدول التكراري.

٠٢:٤٩

‏نسخة الفيديو النصية

يوضّح جدول العلامات الدرجات التي حصل عليها طلاب فصل في اختبار رياضيات. باستخدام المعلومات الموجودة في جدول العلامات أكمل الجدول التكراري.

دلوقتي عندنا الجدول اللي فوق عبارة عن جدول العلامات. فيه مجموعات متقسّمة خمسة فأكثر، عشرة فأكثر، خمستاشر فأكثر، عشرين فأكثر، أو خمسة وعشرين فأكثر. ومقابل لكل مجموعة من المجموعات دي عدد من العلامات بيبيّن عدد الطلاب الواقع في المجموعة دي. فقُصاد كل مجموعة من المجموعات هنشوف العلامات دي بتمثّل عدد إيه، ونكتبه في الجدول اللي تحت اللي هو مقدار التكرار.

يعني هنبدأ بالمجموعة خمسة فأكثر. مجموعة العلامات اللي هي بالشكل ده عبارة عن أربع علامات رأسية، وفيه علامة مايلة عليهم كلهم، دي بتمثل خمس علامات، بتمثل العدد خمسة.

نكمل عدّ بقى العلامات اللي هي رأسية؛ ستة، سبعة، تمنية، تسعة. يبقى كده عندنا مجموعة العلامات دي كلها بتمثّل العدد تسعة. يبقى في جدول التكرار هنحط تسعة.

نشوف المجموعة اللي هي عشرة فأكثر، ونشوف العلامات المقابلة ليها بتمثّل العدد كام. زي ما قلنا إن العلامات بالشكل ده بتمثّل مجموعة من خمسة؛ يبقى كده خمسة، وكمان مجموعة من خمسة يبقوا عشرة، وبعدين حداشر، اتناشر، تلتاشر، أربعتاشر. يبقى في الجدول اللي في الأسفل هنحط في المجموعة دي العدد أربعتاشر.

نشوف المجموعة اللي هي خمستاشر فأكثر، هنلاقي إن عندنا علامات بتمثّل خمسة، وكمان علامات تمثل خمسة أخرى؛ يبقى كده عشرة، وبعدين حداشر، اتناشر. يبقى كده في الجدول اللي في الأسفل هنكتب في خانة التكرار في المجموعة دي اتناشر.

هنشوف دلوقتي المجموعة اللي بعد كده اللي هي عشرين فأكثر، هنلاقي إن فيها خمسة، زائد خمسة يبقى عشرة، زائد خمسة يبقى خمستاشر، وواحد يبقى ستاشر. يبقى في الجدول اللي في الأسفل هنكتب فيه العدد اللي بيمثل التكرار ستاشر.

آخر مجموعة اللي عندنا في الجدول اللي هي خمسة وعشرين فأكثر، هنلاقي إن دي علامات بتمثل العدد خمسة، وفيه كمان علامة يبقى ستة. يبقى في الجدول اللي في الأسفل في خانة التكرار هنكتب العدد ستة. وبكده يبقى كمّلنا الجدول التكراري اللي عندنا زي ما مطلوب مننا في السؤال.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.