فيديو: تطبيق خاصية الإبدال في الضرب

أكمل: ٨ × ٥ = ٥ × _.

٠١:٣٧

‏نسخة الفيديو النصية

أكمل: تمنية في خمسة تساوي خمسة في نقط.

عاوزين نكمّل العبارة اللي قدامنا دي. واللي هي بتعتبر تطبيق على خاصية الإبدال، في عملية ضرب الأعداد. فإحنا عندنا هنا، أول جزء من السؤال تمنية في خمسة. وعاوزين نعرف التمنية في خمسة دول، هيساووا خمسة في كام.

فلو رجعنا لخاصية الإبدال، هنلاقيها بتقول لنا إيه؟ إن لو عندنا عدد، ولْيكُن اتنين، مضروب في تلاتة. هي هيّاها وبتساوي لو عندنا التلاتة مضروبة في اتنين. الاتنين بيساووا بعض. فده معناه إن التبديل أو الإبدال، مكان الأعداد أو في الأعداد، مش بيغيّر في الناتج حاجة.

ماسِك في إيده دي تفاحة. وفي إيده التانية برتقانة. وخلّيناه يبدّل التفاحة مكان البرتقانة. التغيير أو الإبدال، اللي هو عمله ده، ما غيّرش حاجة في اللي معاه. هو في الحالتين معاه تفاحة واحدة وبرتقانة واحدة. بس الفرق إنه عمل عملية إبدال، أو بدّل مكانهم.

هي دي نفس فكرة السؤال بتاعنا. هنلاحظ عندنا إن تمنية في خمسة، هي هيّاها وهتساوي خمسة في تمنية. وده معناه إن إجابة السؤال الصح هي العدد تمنية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.