نسخة الفيديو النصية
ما مُرافق العدد المركب اتنين ناقص سبعة ت؟
أول حاجة بنكتب الصورة العامة للعدد المركب. فبنلاقي إن العدد المركب بيكون على الصورة التالية: أ زائد ب ت. وَ أ هو عبارة عن الجزء الحقيقي من العدد المركب ده. وبنلاقي إن ب ت عبارة عن الجزء التخيلي. وبنلاقي إن المرافق لهذا العدد المركب، بيكون عبارة عن أ ناقص ب ت.
معنى كده إن إحنا غيّرنا إشارة الجزء التخيلي فقط. وبكده يبقى مُرافق العدد المركب اتنين ناقص سبعة ت، هو: اتنين زائد سبعة ت. يبقى قدرنا نوجد مُرافق العدد المركب، من خلال تغيير إشارة الجزء التخيلي.
