تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: العلاقة بين مساحة الدائرة ومحيطها

أحمد لطفي

كيف يمكن استخدام محيط دائرة في حساب مساحتها؟

٠١:٤٤

‏نسخة الفيديو النصية

كيف يمكن استخدام محيط دائرة في حساب مساحتها؟

في البداية عندنا القانون المستخدم لحساب محيط الدائرة هيساوي اتنين 𝜋 نق، يعني اتنين 𝜋 في نصف قطر الدائرة. والقانون المستخدم لحساب مساحة الدائرة هيساوي 𝜋 نق تربيع، يعني 𝜋 في نصف قطر الدائرة تربيع. ممكن نكتب القانون المستخدم لحساب مساحة الدائرة في الصورة 𝜋 في نصف القطر في نصف القطر، يعني 𝜋 في نق في نق. هنجد إن عندنا في القانون المستخدم لحساب مساحة الدائرة 𝜋 في نق، وأيضا عندنا في القانون المستخدم لحساب محيط الدائرة 𝜋 في نق، يعني في القانون المستخدم لحساب محيط الدائرة لو عايزين نخلي 𝜋 نق في طرف لوحدها، هنقسم الطرفين على اتنين، يعني هيكون عندنا إن محيط الدائرة على اتنين هيساوى 𝜋 نق؛ وبالتالي في القانون المستخدم لحساب مساحة الدائرة هنعوض عن 𝜋 في نق بمحيط الدائرة على اتنين، يعني مساحة الدائرة هتساوي محيط الدائرة على اتنين في نق، يعني مساحة الدائرة هتساوي محيط الدائرة في نق على اتنين.

ويبقى لو عايزين نستخدم محيط الدائرة في حساب مساحتها، هنقوم هنضرب محيط الدائرة في نصف القطر، ثم نقسم الناتج على اتنين.

ويبقى كده قدرنا نستخدم محيط الدائرة في حساب مساحتها.