فيديو: تحديد الانحراف المعياري لمجموعة بيانات

يوضِّح الجدول التالي توزيع الأهداف المُسجَّلة في النصف الأول من موسم كرة قدم. احسب الانحراف المعياري لعدد الأهداف لأقرب جزء من ألف.

٠٢:٥٥

‏نسخة الفيديو النصية

يوضّح الجدول التالي توزيع الأهداف المسجّلة في النصف الأول من موسم كرة قدم. عدد الأهداف لمَّا كانت صفر، عدد المباريات خمسة. واحد، اتنين. تلاتة، سبعة. أربعة، سبعة. ستة، أربعة. احسب الانحراف المعياري لعدد الأهداف لأقرب جزء من ألف.

علشان نجيب الانحراف المعياري، هنعمل جدول فيه الخانات الآتية: س، ك، س في ك، س ناقص الوسط الحسابي تربيع، وَ س ناقص الوسط الحسابي تربيع مضروبة في ك. حيث س هو عدد الأهداف، وَ ك هو عدد المباريات. نبتدي نكتب قيم س: صفر، واحد، اتنين، تلاتة، أربعة، ستة. ونكتب قيم ك: خمسة، اتنين، سبعة، سبعة، أربعة. وبعد كده نجيب قيم س في ك. يعني هنضرب صفر في خمسة، يساوي صفر. واحد في اتنين بيساوي اتنين. تلاتة في سبعة يساوي واحد وعشرين. أربعة في سبعة يساوي تمنية وعشرين. وأخيرًا ستة في أربعة بيساوي أربعة وعشرين.

وبعد كده نجيب Σ ك وَ Σ س في ك. Σ ك يعني هنجمّع كل قيم ك. وده هيدّينا خمسة وعشرين. خمسة، زائد اتنين، زائد سبعة، زائد سبعة، زائد أربعة بيساوي خمسة وعشرين. وبالمثل مجموع قيم س في ك هيساوي خمسة وسبعين. الوسط الحسابي يساوي Σ س في ك على Σ ك. Σ س في ك بيساوي خمسة وسبعين على … Σ ك خمسة وعشرين. وده بيساوي تلاتة. يبقى الوسط الحسابي بيساوي تلاتة.

ونجيب بعد كده قيم س ناقص الوسط الحسابي تربيع. صفر ناقص تلاتة تربيع. واحد ناقص تلاتة تربيع. تلاتة ناقص تلاتة تربيع. أربعة ناقص تلاتة تربيع. ستة ناقص تلاتة تربيع. صفر ناقص تلاتة، سالب تلاتة. سالب تلاتة تربيع بيساوي تسعة. ونكمّل باقي الجدول بعد كده: أربعة، صفر، واحد، تسعة.

وبعد كده نضرب قيم س ناقص الوسط الحسابي تربيع في ك. تسعة في خمسة بيساوي خمسة وأربعين. أربعة في اتنين بيساوي تمنية. صفر في سبعة بيساوي صفر. واحد في سبعة بيساوي سبعة. وتسعة في أربعة بيساوي ستة وتلاتين. ونجمّع بعد كده القيم دي، هيبقى Σ س ناقص الوسط الحسابي تربيع في ك بيساوي ستة وتسعين.

الانحراف المعياري هيساوي Σ س ناقص الوسط الحسابي تربيع في ك على Σ ك، كل ده تحت الجذر التربيعي. Σ س ناقص الوسط الحسابي تربيع في ك، بيساوي ستة وتسعين. وَ Σ ك بيساوي خمسة وعشرين. يبقى الجذر التربيعي لستة وتسعين على خمسة وعشرين، وده بيساوي تقريبًا واحد وتسعمية وستين جزء من ألف.

وهيبقى الانحراف المعياري لعدد الأهداف لأقرب جزء من ألف بيساوي واحد وتسعمية وستين جزء من ألف.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.