فيديو: جمع العشرات

معاذ صالح

يوضح الفيديو كيفية استخدام حقائق الجمع لجمع العشرات، مع التوضيح باستخدام قِطَع العد، وأمثلةً عليها.

٠٣:٤٣

‏نسخة الفيديو النصية

جمع العشرات.

في الفيديو ده هنتعلم استخدام حقائق الجمع، لجمع العشرات. ممكن نستخدم حقائق الجمع، لمساعدتنا على جمع العشرات. يعني لو مثلًا عاوزين نوجد خمسين زائد تلاتين. فممكن نعبّر عنها بالشكل ده. فممكن نقول إن ده بيساوي خمس عشرات زائد تلات عشرات. ونفكر؛ خمسة زائد تلاتة بيساوي كام؟ خمسة زائد تلاتة بيساوي تمنية. يبقى خمس عشرات زائد تلات عشرات، بيساوي تمن عشرات. وتمن عشرات يعني تمانين. يبقى خمسين زائد تلاتين بيساوي تمانين.

نتنقل لصفحة تانية، ونحل مثال تاني. ستين زائد تلاتين بيساوي كام؟

ستين بتساوي ست عشرات. وبنعبّر عنها بالشكل ده. زائد … تلاتين بيساوي تلات عشرات. وممكن نعبّر عنها بالشكل ده. يبقى ستة زائد تلاتة هيساوي تسعة. يبقى ست عشرات زائد تلات عشرات، هيساوي تسع عشرات. يبقى ستين زائد تلاتين بيساوي تسعين.

نتنقل لصفحة تانية، ونحل مثال تاني. سبعين زائد عشرة بيساوي كام؟

سبعين بيساوي سبع عشرات، زائد عشرة. وممكن نعبّر عنهم بالشكل ده. ويبقى سبعة زائد واحد هيساوي تمنية. يبقى سبع عشرات زائد عشرة، بيساوي تمن عشرات. وده معناه إن سبعين زائد عشرة بيساوي تمانين.

نتنقل لصفحة تانية، ونحل مثال تاني. عاوزين نكمّل الفراغات في الأسئلة اللي هتظهر.

يبقى هنجمع العشرات مع بعضها. يبقى تلاتة زائد أربعة هيساوي سبع عشرات. وده معناه إن تلاتين زائد أربعين بيساوي سبعين. مثال تاني. يبقى هنجمع خمس عشرات زائد تلات عشرات، هيساوي تمن عشرات. وده معناه إن خمسين زائد تلاتين بيساوي تمانين.

وبكده نبقى خلصنا الفيديو ده، اللي اتعلمنا فيه استخدام حقائق الجمع لجمع العشرات.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.