فيديو: امتحان الفزياء للعام السابق • ٢٠١٨/٢٠١٧ • السؤال الثاني والعشرون

امتحان الفزياء للعام السابق • ٢٠١٨/٢٠١٧ • السؤال الثاني والعشرون

٠٢:٠٠

‏نسخة الفيديو النصية

وصِّل ملف ومكثف ومقاومة وأميتر على التوالي مع مصدر تيار متردد. كانت الدائرة في حالة رنين. إذا وضعنا قضيبًا من الحديد المطاوع داخل الملف، فإن قراءة الأميتر؛ أ: تزيد. ب: تقل. ج: تظل ثابتة. د: تساوي صفر.

ففيه ملف حث ومكثف ومقاومة وأميتر متوصلين على التوالي مع مصدر تيار متردد. ففي الأول الدايرة كانت في حالة رنين. ففي حالة الرنين المفاعلة الحثية بتساوي المفاعلة السعوية. والمعاوقة الكلية للدايرة في أي وقت سواء كانت في حالة رنين أو لأ، بتساوي الجذر التربيعي للمقاومة تربيع زائد حاصل فرق المفاعلة الحثية والمفاعلة السعوية الكل تربيع.

وبالتالي من المعادلة دي ممكن نستنتج إن في حالة 𝑥 𝐿 بتساوي 𝑥 𝐶، اللي هي حالة الرنين المعاوقة الكلية للدايرة هتبقى بتساوي 𝑅. لأن حاصل فرق 𝑥 𝐿 وَ 𝑥 𝐶 بصفر. وعشان كده عند تردد الرنين المعاوقة الكلية للدايرة بتبقى أقل ما يمكن. وعشان كده لو رسمنا التيار مع التردُّد، هنلاقي إن أقصى قيمة للتيار بتحصل عند تردد الرنين. فلو حطينا قضيب من الحديد المطاوع داخل الملف، هنلاقي إن معامل الحث الذاتي للملف زاد. وبما إن المفاعلة الحثية بتساوي اتنين 𝜋 في التردد في معامل الحث الذاتي. فمعامل الحث الذاتي لما بيزيد بتزيد معاه المفاعلة الحثية، وساعتها المفاعلة الحثية هتبقى أكبر من المفاعلة السعوية. وده معناه إن همّ ما بقوش بيساووا بعض زي الأول؛ يعني ما بقوش في حالة رنين. وساعتها حاصل فرقهم مش هيبقى بيساوي صفر. والمعاوقة الكلية للدايرة هتبقى أكبر من 𝑅. يعني قيمة المعاوقة هتبقى أكبر من قيمتها عند حالة الرنين. وده معناه إن قراءة الأميتر هتقل.

وبكده نبقى عرفنا اللي بيحصل للتيار في دايرة التيار المتردد، لما بنغير قيمة المفاعلة الحثية للملف اللي موجود في الدايرة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.