تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: كتابة معادلة أسية من جدول القيم

أحمد لطفي

اكتب معادلة أسية في الصورة ﺹ = ﺏ^ﺱ من الأعداد الموجودة في الجدول.

٠١:٦٠

‏نسخة الفيديو النصية

اكتب معادلة أسية في الصورة ص بتساوي ب أُس س من الأعداد الموجودة في الجدول. ومعطى جدول به قيم لـ س وَ ص.

في البداية المعادلة الأسية هتكون على صورة ص بتساوي ب أُس س. وعشان نقدر نوجد قيمة ب، هنعوّض بنقطة موجودة بداخل الجدول. يعني بما إن عند س بتساوي اتنين ص بتساوي تسعة على ستاشر، وهنعوّض عن س باتنين، وهنعوّض عن ص بتسعة على ستاشر، هيكون عندنا تسعة على ستاشر هيساوي ب أُس اتنين.

عشان نوجد قيمة ب هنقول: بأخذ الجذر التربيعي للطرفين، هيكون عندنا ب بتساوي موجب أو سالب تلاتة على أربعة.

هنلاحظ إن ب كان ليها قيمتين؛ قيمة موجب، وقيمة سالب. عشان نقدر نشوف أنهي قيمة فيهم هتكون هي قيمة ب، فهنلاحظ إن بما إن ب كانت أُس عدد زوجي، فقدرنا نحصل على قيمتين؛ قيمة موجبة وقيمة سالبة؛ وبالتالي محتاجين نستخدم من الجدول قيمة تكون فردية، عشان نقدر نحصل على قيمة واحدة لـ ب. فهنلاحظ إن عند س بتساوي خمسة ص بتساوي ميتين تلاتة وأربعين على ألف أربعة وعشرين. وبالتالي في المعادلة الأسية هنعوّض عن ص بميتين تلاتة وأربعين على ألف أربعة وعشرين، وهنعوض عن س بخمسة، فهيكون عندنا ميتين تلاتة وأربعين على ألف أربعة وعشرين بتساوي ب أُس خمسة. بأخذ الجذر الخامس للطرفين، هيكون عندنا ب هتساوي تلاتة على أربعة؛ وبالتالي قيمة ب هتكون هي القيمة الموجبة فقط، اللي هي بتساوي تلاتة على أربعة.

يبقى لو عايزين نكتب المعادلة الأسية، فالمعادلة الأسية هتكون على صورة ص بتساوي … هنعوّض عن ب بتلاتة على أربعة أُس س.