فيديو: إيجاد قيمة محدد الرتبة الثانية

إذا كان محدد المصفوفة التالية صفرًا، فما قيمة ب بدلالة أ؟

٠١:٣٠

‏نسخة الفيديو النصية

إذا كان محدد المصفوفة التالية صفرًا، فما قيمة ب بدلالة أ؟

إذا كانت مصفوفة ك بالصورة دي، فده معناه إن محددها اللي بيتكتب بالصورة دي، هيساوي س في ل ناقص ص في ع. وبالتالي فمحدد المصفوفة اللي عناصرها أ واتنين وَ ب وخمسة، هيساوي أ في خمسة، ناقص اتنين في ب؛ يعني هيساوي خمسة أ ناقص اتنين ب.

فإذا كان المحدد ده بيساوي صفر، وعاوزين نوجد قيمة ب بدلالة أ؛ فأول حاجة هنطرح خمسة أ من الطرفين. فالمعادلة هتبقى سالب اتنين ب بيساوي سالب خمسة أ. بعد كده نقسم الطرفين على سالب اتنين، فهتبقى ب بتساوي سالب خمسة أ على سالب اتنين. وبضرب البسط والمقام في سالب واحد، هتبقى ب بتساوي خمسة أ على اتنين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.