تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد قيمة المقادير الجبرية بعد حل معادلة خطية ذات خطوة واحدة

أحمد مدحت

إذا كان ٧ﺹ = ٣٥، فما قيمة ٨ﺹ؟

٠١:٢٩

‏نسخة الفيديو النصية

إذا كان سبعة ص يساوي خمسة وتلاتين، فما قيمة تمنية ص؟

علشان نوجد قيمة تمنية ص فإحنا عايزين نوجد قيمة ص. وعلشان نوجد قيمة ص هنستخدم المعادلة سبعة ص تساوي خمسة وتلاتين. فأول حاجة هنحل المعادلة سبعة ص تساوي خمسة وتلاتين علشان نوجد قيمة ص.

فأول حاجة هنتخلص من السبعة اللي مضروبة في الـ ص، من خلال إن إحنا هنقسم طرفَي المعادلة على سبعة، فهيبقى عندنا سبعة ص على سبعة، يساوي خمسة وتلاتين على سبعة. بكده هيبقى اتخلصنا من السبعة اللي مضروبة في ص. فهيبقى عندنا الطرف الأيمن من المعادلة عبارة عن ص. أما بالنسبة للطرف الأيسر فهو عبارة عن خمسة وتلاتين على سبعة؛ يعني يساوي خمسة. يعني معنى كده إن ص تساوي خمسة.

بكده إحنا أوجدنا قيمة ص. بعد كده هنوجد قيمة تمنية ص. فهيبقى تمنية ص يساوي تمنية في ص. وبما إن ص تساوي خمسة، فهنعوّض عن ص بخمسة. فهيبقى عندنا تمنية ص يساوي تمنية في خمسة. يعني تمنية ص يساوي أربعين. بكده هتبقى قيمة تمنية ص هي أربعين.