فيديو: حل المعادلات التربيعية بالتحليل

أوجد مجموعة حل المعادلة ٣ﺱ^٢ − ٤٤ = ٠ في ﺡ، بتقريب الناتج إلى أقرب رقم عشري.

٠١:٢٤

‏نسخة الفيديو النصية

أوجد مجموعة حل المعادلة: تلاتة س تربيع ناقص أربعة وأربعين يساوي صفر، في ح، بتقريب الناتج إلى أقرب رقم عشري.

عايزين مجموعة حل المعادلة: تلاتة س تربيع ناقص أربعة وأربعين يساوي صفر، في ح. وَ ح هي مجموعة الأعداد الحقيقية. هنضيف أربعة وأربعين للطرفين. هيبقى تلاتة س تربيع بيساوي أربعة وأربعين. لو قسمنا الطرفين على تلاتة، هيبقى شكل المعادلة: س تربيع بيساوي أربعة وأربعين على تلاتة. هناخد الجذر التربيعي للطرفين. هيبقى س بيساوي موجب أو سالب الجذر التربيعي لأربعة وأربعين على تلاتة.

ولأن المعادلة من الدرجة التانية، هيبقى عندنا حلّين. إمّا إن س تساوي جذر أربعة وأربعين على تلاتة. أو س يساوي سالب جذر أربعة وأربعين على تلاتة. جذر أربعة وأربعين على تلاتة بيساوي، لأقرب رقم عشري، تلاتة وتمنية من عشرة. أمّا سالب جذر أربعة وأربعين على تلاتة فهتساوي، لأقرب رقم عشري، سالب تلاتة وتمنية من عشرة.

وبكده هتكون مجموعة حل المعادلة: تلاتة س تربيع ناقص أربعة وأربعين يساوي صفر، في ح. هي مجموعة: تلاتة وتمنية من عشرة، وسالب تلاتة وتمنية من عشرة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.