فيديو: ضرب الأعداد الصحيحة باستخدام خاصية الإبدال

باستخدام خواص ضرب الأعداد الصحيحة، احسب ٨ × ١٥ × ١٢٥.

٠١:٥٠

‏نسخة الفيديو النصية

باستخدام خواصّ ضرب الأعداد الصحيحة، احسب: تمنية في خمستاشر في مية خمسة وعشرين.

طالما السؤال قايل لنا نستخدم خواص ضرب الأعداد الصحيحة، يبقى عايزنا نلاقي خاصية تسهّل علينا عملية الضرب دي. طيّب إمتى عملية الضرب، اللي هنا دي، هتكون سهلة؟ لو حاصل ضرب عددين من التلاتة دول، ادّى لنا رقم بسيط. زيّ مثلًا: عشرة، مية، ألف. الأرقام دي أرقام بسيطة نقدر نضربها مع أيّ رقم، ويبقى سهل علينا. نلاحظ إننا لو ضربنا التمنية في مية خمسة وعشرين، هتدّي لنا ألف. كده إحنا عايزين نخلّي التمنية جنب المية خمسة وعشرين. يبقى هنبدّل بين الخمستاشر، والمية خمسة وعشرين؛ عشان نخلّي المية خمسة وعشرين جنب التمنية.

يبقى كده هيساوي تمنية في مية خمسة وعشرين في خمستاشر. الخاصية اللي إحنا استخدمناها دلوقتي دي، اسمها خاصية الإبدال. دلوقتي إحنا محتاجين ندمج التمنية مع المية خمسة وعشرين في قوس مع بعض، وبعدين نضربهم في الخمستاشر. الخاصية دي اسمها خاصية الدمج. هنضرب الأعداد اللي جوّه القوس الأول. يبقى التمنية في مية خمسة وعشرين بيساوي ألف. في خمستاشر بيساوي الخمستاشر، وقدّامهم التلات أصفار بتوع الألف. يبقى كده حاصل ضرب التمنية في خمستاشر في مية خمسة وعشرين، باستخدام خواص الضرب، بيساوي خمستاشر ألف.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.