فيديو: تحويل الوزن من الكيلوجرامات إلى الجرامات

يبلغ وزن أمير ٧٦ كيلوجرامًا. عبِّر عن وزنه بالجرام.

٠١:٣٢

‏نسخة الفيديو النصية

يبلغ وزن أمير ستة وسبعين كيلوجرامًا. عبّر عن وزنه بالجرام.

دلوقتي عندنا وحدة الكيلوجرام ووحدة الجرام هم وحدات مترية بنقيس بيهم كتلة أيّ حاجة. وحدة الكيلوجرام، واللي بنرمز لها بالرمز كجم، بنقيس بيها الأوزان أو الكتل الكبيرة. أمّا وحدة الجرام، واللي بنرمز لها بالرمز جم، بنقيس بيها الأوزان الصغيّرة. ولأن الكيلوجرام هو الأكبر، فالعلاقة بين الوحدتين هو إن الواحد كيلوجرام بيساوي ألف جرام.

وفي السؤال بتاعنا، مطلوب نعبّر عن وزن أمير بوحدة الجرامات. فيا ترى الستة وسبعين كيلوجرام هيساوي كام جرام. من العلاقة دي، هنقدر نحوّل الكيلوجرام للجرام بإننا بنضرب قيمة الكيلوجرام في العدد ألف؛ علشان تكون نفس قيمتها، بس بوحدة الجرام. فدلوقتي هنضرب ستة وسبعين في العدد ألف. وهننزّل الأصفار على اليمين، ونضرب ستة وسبعين في واحد هتساوي ستة وسبعين. معنى كده إن الستة وسبعين كيلوجرام بيساوي ستة وسبعين ألف جرام.

وبكده قدرنا نعبّر عن وزن أمير بوحدة الجرامات. واللي لقينا إنها بتساوي ستة وسبعين ألف جرام.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.