فيديو: إنشاء دالة الهدف لتقليل التكلفة بمعلومية رسم بياني يمثل الشروط

يستطيع مُزارعٌ تحسين جودة إنتاجه في حال استخدامه ١٨ وحدة على الأقل من مركَّبات النيتروجين، و٦ وحدات على الأقل من مركَّبات الفوسفات. يمكنه استخدام نوعين من الأسمدة: أ، ب. يوضِّح الجدول تكلفة كل نوع من الأسمدة ومحتوياته. إذا كان الشكل الموضَّح يمثِّل الشروط المذكورة بالجدول، فأوجد أقل تكلفة يدفعها المزارع لشراء الأسمدة؛ ليوفر كمية كافية من مركَّبات كلا النوعين.

٠٥:٠١

‏نسخة الفيديو النصية

يستطيع مزارع تحسين جودة إنتاجه في حال استخدامه ثمانية عشر وحدة على الأقل من مركبات النيتروجين، وست وحدات على الأقل من مركبات الفوسفات. يمكنه استخدام نوعين من الأسمدة أ وَ ب. يوضّح الجدول تكلفة كل نوع من الأسمدة ومحتوياته. إذا كان الشكل الموضَّح يمثّل الشروط المذكورة بالجدول، فأوجد أقل تكلفة يدفعها المزارع لشراء الأسمدة ليوفر كمية كافية من مركبات كلا النوعين.

الجدول اللي قدامنا مكوّن من أربع أعمدة. العمود الأول هو السماد، وفيه السمادين أ وَ ب. والعمود التاني بيمثّل عدد وحدات مركّبات النيتروجين لكل كيلوجرام؛ يعني في السماد أ والسماد ب. العمود التالت عدد وحدات مركبات الفوسفات لكل كيلوجرام في السماد أ وفي السماد ب. بعد كده العمود الرابع بيوضّح التكلفة لكل كيلوجرام بالجنيه للسماد الأول والسماد التاني.

أول حاجة هنرمز لعدد الكيلوجرامات من السماد أ بالرمز س، ولعدد الكيلوجرامات من السماد ب بالرمز ص. وبما إن تكلفة الكيلوجرام الواحد من السماد أ هي مية وسبعين جنيه، وتكلفة الكيلوجرام الواحد من السماد ب هي مية وعشرين جنيه. فممكن نقول إن دالة التكلفة الكلية هتساوي تكلفة الكيلوجرام الواحد من السماد أ، اللي بتساوي مية وسبعين جنيه؛ في عدد الكيلوجرامات من السماد أ، اللي هي س. زائد تكلفة الكيلو جرام الواحد من السماد ب، اللي هي مية وعشرين جنيه؛ في عدد كيلوجرامات السماد ب اللي بتساوي ص يعني مية وسبعين س زائد مية وعشرين ص.

بعد كده بالنظر للشكل، فهنلاقي إن منطقة الحل لاستخدام النوعين هي المنطقة دي. ورؤوس منطقة الحل الموضَّحة هي ستة وصفر، اتنين واتنين، صفر وستة. فنوجد قيمة دالة التكلفة الكلية عند كل رأس من الرؤوس دي. عند النقط ستة وصفر، هتبقى دالة التكلفة الكلية بتساوي مية وسبعين س. وَ س في الحالة دي هتساوي ستة؛ يعني مية وسبعين في ستة. زائد مية وعشرين ص. وَ ص في الحالة دي بتساوي صفر. يبقى مية وعشرين في صفر. يعني هتساوي … مية وسبعين في ستة اللي بيساوي ألف وعشرين. زائد مية وعشرين في صفر اللي بيساوي صفر. وألف وعشرين زائد صفر، هيساوي ألف وعشرين جنيه.

بعد كده عند النقطة اتنين واتنين، هتبقى التكلفة الكلية بتساوي مية وسبعين في … س في الحالة دي بتساوي اتنين. يبقى مية وسبعين في اتنين. زائد مية وعشرين ص. وَ ص في الحالة دي برضو بتساوي اتنين. يبقى مية وعشرين في اتنين. ده هيساوي … مية وسبعين في اتنين هيساوي تلتمية وأربعين جنيه. زائد … مية وعشرين في اتنين هيساوي ميتين وأربعين جنيه. وتلتمية وأربعين زائد ميتين وأربعين، هيساوي خمسمية وتمانين جنيه.

بعد كده عند النقطة صفر وستة، هتبقى التكلفة الكلية بتساوي مية وسبعين س. وَ س في الحالة دي بتساوي صفر. يعني مية وسبعين في صفر. زائد مية وعشرين ص. وَ ص في الحالة دي بتساوي ستة. يعني مية وعشرين في ستة. ده هيساوي … مية وسبعين في صفر هيساوي صفر. زائد مية وعشرين في ستة هيساوي سبعمية وعشرين. وصفر زائد سبعمية وعشرين هيساوي سبعمية وعشرين جنيه.

يبقى في الحالة الأولى كانت التكلفة الكلية للأسمدة ألف وعشرين جنيه. وفي الحالة التانية كانت التكلفة الكلية خمسمية وتمانين جنيه. وفي الحالة التالتة كانت التكلفة الكلية سبعمية وعشرين جنيه. وبالتالي تبقى أقل تكلفة ممكن يدفعها المزارع عند الرأس اتنين واتنين بتساوي خمسمية وتمانين جنيه.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.