فيديو: إيجاد قِيَم المقادير التي تتضمن ضرب الأعداد العشرية والمقارنة بينها

أكمل ٠٫٨٩٢ × ٧٫٧ _ ٠٫٨٦١ × ٧٫٦، باستخدام<، أو =، أو >.

٠٢:٤٠

‏نسخة الفيديو النصية

أكمل: ثمانمائة واثنان وتسعون من ألف، في سبعة وسبعة من عشرة _ ثمانمائة وواحد وستون من ألف، في سبعة وستة من عشرة؛ باستخدام أصغر من أو يساوي أو أكبر من.

عشان نكمل الفراغ محتاجين نوجد حاصل الضرب في الطرفين؛ فأول حاجة نحسب الطرف الأيمن، فهنضرب بدون العلامات العشرية، وبعد كده نضيف العلامة العشرية في الناتج، فهنضرب تمنمية واتنين وتسعين في سبعة وسبعين، فنضرب سبعة في اتنين هيبقى الناتج أربعتاشر، هنكتب أربعة في الناتج، ونكتب واحد فوق التسعة. بعد كده نضرب سبعة في تسعة، ‏فهيبقى الناتج تلاتة وستين، ونضيف ليها الواحد اللي فوق التسعة، فهيبقى الناتج أربعة وستين، فهنكتب أربعة في الناتج، بعدين نكتب ستة فوق التمنية. بعدين نضرب سبعة في تمنية هيساوي ستة وخمسين، ونضيف ليها الستة اللي فوق التمنية، فهيبقى الناتج اتنين وستين؛ زائد … بما إن القيمة المكانية للسبعة التانية هي العشرات، فهنضيف صفر بعد كده نضرب بشكل طبيعي، وبما إننا هنضرب السبعة في نفس العدد، ‏فهيبقى الناتج هو نفس الناتج الأول مع إضافة الصفر؛ فنكتب أربعة أربعة اتنين ستة، بعد كده نجمع؛ أربعة زائد صفر هيساوي أربعة، أربعة زائد أربعة هيساوي تمنية، اتنين زائد أربعة هيساوي ستة، ستة زائد اتنين هيساوي تمنية، بعدين ننزل الستة، بعدين نشوف موقع العلامة العشرية؛ فبما إن العدد الأول … فبما إن العدد الأول كان فيه تلات أرقام على يمين العلامة العشرية، والعدد التاني كان فيه رقم واحد على يمين العلامة العشرية؛ يبقى هنحط العلامة العشرية بعد أربع أرقام. فحاصل ضرب تمنمية واتنين وتسعين من ألف في سبعة وسبعة من عشرة، هيساوي ستة وتمن تلاف وستمية وأربعة وتمانين من عشرة آلاف، وده كده حاصل الضرب في الطرف الأيمن.

بنفس الطريقة نوجد حاصل الضرب في الطرف الأيسر، فهيبقى الناتج هو ستة وخمسة آلاف وربعمية وستة وتلاتين من عشرة آلاف، وبمقارنة حاصلين الضرب؛ هنلاقي إن العدد الأول أكبر من العدد التاني، وبالتالي تمنمية واتنين وتسعين من ألف في سبعة وسبعة من عشرة، أكبر من تمنمية وواحد وستين من ألف في سبعة وستة من عشرة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.