فيديو: تحويل الأطوال من المتر إلى الملليمتر

أكمل باستخدام< أو = أو >: ٣ م _ ٢٣٤ مم.

٠١:٤٣

‏نسخة الفيديو النصية

أكمل باستخدام أصغر من أو يساوي أو أكبر من. عايزين نحطّ مكان النقط علامة مناسبة من دول؛ علشان نقدر نقارن بين التلاتة متر، والميتين أربعة وتلاتين ملليمتر.

وحدة المتر واللي بنرمز لها بالرمز م، ووحدة الملليمتر اللي بنرمز لها بالرمز مم؛ هم وحدات مترية بنستخدمها علشان نقيس بيها طول أيّ حاجة. المتر نقدر نقيس بيه أطوال كبيرة. لكن الملليمتر بنقيس بيه أطوال صغيرة جدًّا. والعلاقة بينهم هو إن الواحد متر يساوي ألف ملليمتر.

في السؤال بتاعنا، علشان نعرف نقارن، لازم نخلّي الوحدات زيّ بعضها. فهنستخدم العلاقة دي علشان نحوّل مثلًا من متر لملليمتر. وبكده تلاتة متر هنضربها في ألف؛ علشان نحوّلها لملليمتر. وتلاتة في ألف، بننزل التلات أصفار. وتلاتة في واحد بتلاتة. فكده هتكون التلاتة متر هي هي التلات آلاف ملليمتر.

ونبدأ نقارن التلات آلاف ملليمتر، بالميتين أربعة وتلاتين ملليمتر؛ لأنهم وحداتهم متشابهة. هنلاقي إن التلات آلاف هو عدد أكبر من الميتين أربعة وتلاتين. فهنقول إنه تلاتة متر، واللي هي بتكافئ التلات آلاف ملليمتر، أكبر من ميتين أربعة وتلاتين ملليمتر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.