فيديو: تحديد التمثيل البياني المناسب لدالة مثلثية مُعطاة

أيٌّ مما يلي يُعتبر التمثيل البياني لـ ﺹ = ظا (ﺱ + ٩٠)؟

٠٢:٣١

‏نسخة الفيديو النصية

أيّ مما يلي يعتبر التمثيل البياني للـ ص يساوي ظا في الـ س زائد تسعين.

دالة الظل الأساسية، اللي هي ظا س، بتبقى عند الزاوية صفر قيمتها صفر؛ يعني الـ ظا صفر بتساوي صفر للدالة الأساسية، اللي هي دالة الظل. لكن لمّا بتكون الـ ظا في س زائد التسعين؛ فبيبقى معنى كده إن بيحصل إزاحة أفقية بمقدار تسعين درجة إلى اليمين. يعني بدل ما كانت الـ ظا صفر قيمتها صفر، بتبقى الـ ظا تسعين هي اللي قيمتها صفر. فالـ ظا س زائد تسعين هو نفسه منحنى الظل تماما، بس بيحصل له إزاحة أفقية بمقدار تسعين درجة إلى اليمين، وبياخد نفس دورة الدالة.

لو بصّينا على التمثيلات البيانية اللي موجودة قدامنا؛ هنلاقي إن الرسم رقم د ده عبارة عن رسم الدالة ظا س؛ لأن عند الـ س بيساوي صفر قيمة الدالة بتساوي صفر. ودالة الظل بتبقى قيمتها موجبة من الصفر إلى التسعين، وبالتالي المنحنى موجب، وبتبقى سالبة من الصفر للسالب تسعين. ودورة الدالة هي من الصفر للمية وتمانين، بتكرر نفسها كل مية وتمانين درجة. الربع الأول موجبة، الربع التاني سالبة، الربع التالت موجبة، الربع الرابع سالبة، وهي دي إشارات دالة الظل.

الدالة المعطاة، اللي هي ظا س زائد تسعين، هيبقى نفس المنحنى ده بالظبط، لكن هنحركه إلى اليمين قيمة تسعين درجة؛ هنلاقي إن الرسم رقم هـ ده هو اللي بيمثل نفس الرسم لدالة الظل، لكن بإزاحة قيمتها تسعين درجة.

يبقى الرسم الأول والتاني والتالت دول مش صحيحين، والرسم الرابع كمان؛ يبقى الحل هو الرسم الأخير، اللي هو ده رقم هـ. يبقى هو ده التمثيل البياني اللي بيمثل الـ ص يساوي ظا س زائد التسعين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.