فيديو: طرح عددين حتى ٩ عن طريق العَدِّ

ما الذي تعبّر عنه الصورة؟ [أ] ٨ − ٣ = ٥ [ب] ٧ − ٥ = ٢ [ج] ٨ − ٤ = ٤ [د] ٩ − ٥ = ٤ [ﻫ] ٨ − ٥ = ٣

٠١:٢٧

‏نسخة الفيديو النصية

ما الذي تعبّر عنه الصورة؟

عندنا الصورة اللي قدامنا دي، وعاوزين نعرف إيه المعادلة اللي بتعبّر عنها، أو هي بتمثّل أيّ معادلة من اللي قدامنا دول.

هل تمنية ناقص تلاتة تساوي خمسة. ولّا سبعة ناقص خمسة تساوي اتنين. ولّا تمنية ناقص أربعة تساوي أربعة. ولّا تسعة ناقص خمسة تساوي أربعة. ولّا تمنية ناقص خمسة تساوي تلاتة؟

تعالوا نشوف. أول حاجة هنعملها هي إننا هنعدّ مجموعة الكُوَر دي. واحد، اتنين، تلاتة، أربعة، خمسة، ستة، سبعة، تمنية. نكتب فوقيها تمنية. بعدين هنا عندنا ناقص. ونعدّ مجموعة الكُوَر البيضا. واحد، اتنين، تلاتة، أربعة، خمسة. بعدين تساوي. بعدين نعدّ مجموعة الكُوَر الصفرا دي. واحد، اتنين، تلاتة.

فده معناه إن الصورة دي بتعبّر لنا عن إيه، أو بتقول لنا إيه؟ إن هي بتمثّل تمنية ناقص خمسة تساوي تلاتة. لأنهم كانوا تمن كُوَر لونهم أصفر وأبيض. شِلنا منهم الكُوَر اللي لونها أبيض. اتبقّى لنا الكُوَر اللي لونها أصفر.

يبقى المعادلة هي: تمنية ناقص خمسة تساوي تلاتة. ولو جينا ندوّر عليها في الاختيارات، هنلاقيها هي الاختيار ده: تمنية ناقص خمسة تساوي تلاتة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.